Дзяржтэлеканал вырашыў паўдзельнічаць у распаўсюдзе прапагандысцкага наратыву пра сепаратызм амерыканскага штата Тэхас і апублікаваў фэйкавы скрыншот — нібыта допіс Ілана Маска ў X, піша «Люстэрка».
У тэксце паведамлення сцвярджаецца, што Маск апублікаваў самыя папулярныя паведамленні ў сацсетцы X ад расіян — і сярод іх нібыта аказаліся пасты з фразамі «Тэхас наш» і «Піндосы, што з я***м?».
Насамрэч Маск такога не пісаў, а скрыншот распаўсюджваецца ў расійскіх сацсетках і прапагандысцкіх тэлеграм-каналах. Раніцай 27 студзеня, напрыклад, ён з’явіўся на канале «Такер Карлсон на русском и другие».
Сам Маск, падобна, не ўхваляе паводзін прэзідэнта ЗША Джо Байдэна. Але ў яго профілі X гэтае незадавальненне выявілася ў двух рэпостах і дзвюх фразах. Гэта відэа з мігрантамі, што бягуць, ля амерыканскай мяжы з подпісам «На цяперашні момант гэта бясспрэчна» і ліст двух былых агентаў ФБР, якія крытыкуюць палітыку Байдэна па адкрытых межах — з подпісам «Вельмі трывожна».
у Тэхасе і іншых паўднёвых штатах ЗША працягваецца крызіс, звязаны з міграцыяй. Краіна сутыкнулася з беспрэцэдэнтнай хваляй мігрантаў, якія прыбываюць праз паўднёвую мяжу. На гэтым фоне ў расійскіх СМІ і сацсетках распаўсюджваюцца чуткі пра магчымае аддзяленне Тэхаса ад ЗША. Юрыдычна такое немагчыма.
-
Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
-
Святлана Ціханоўская паведаміла літоўскім парламентарыям пра рашэнне пераехаць у Польшчу
-
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы5
Каментары