«Закрычала так, што ў Мінску было чуваць». Спявачку Б'янку спрабавалі скрасці ў цэнтры Масквы
Яна заявіла, што мужчына з «тварам Чыкаціла» пагражаў ёй палкай і хацеў сілком запіхнуць у машыну.
38-гадовая беларуска Таццяна Ліпніцкая (сапраўднае імя Б'янкі) расказала Shot, што ўчора каля 18:00 паехала на манікюр. Калі ўжо падышла да салона, да яе падбег незнаёмец з палкай і загадаў садзіцца ў аўто.
Яна закрычала так, што «ў Мінску было чуваць», пасля чаго «выкрадальнік» спалохаўся і ўцёк. Па апісанні спявачкі, мужчына быў высокім — каля двух метраў, у цёмным пухавіку, а тварам быў падобны на Чыкаціла.
Цяпер адвакат спявачкі вырашае, ці будуць яны падаваць заяву ў паліцыю.
Сама Б'янка звярнулася па дапамогу да псіхолага, бо цяпер не адчувае сябе ў бяспецы і баіцца адна выходзіць на вуліцу.
Б'янка (Таццяна Ліпніцкая) — R&B-спявачка, аўтар песень, музычны прадзюсар, танцоўшчыца і тэлевядоўца. Адна з першых выканаўцаў R&B у Расіі. Яе музычная кар'ера пачалася ў 2003 годзе пасля супрацоўніцтва з праектам «Сярога», дзеля якога яна адмовілася прадстаўляць Беларусь на конкурсе «Еўрабачання». Асновай стылю з'яўляецца сумесь амерыканскага урбану з рускім поп-фолкам з яго прыпеўкамі і фальклорнымі матывамі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5959
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне59
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары