Сёстры Груздзевы расказалі, хто пашыў ім трэшовыя сукенкі ў выглядзе сцягоў
Дапамагла старшыня Беллегпрама.
На мінулагоднім канцэрце да Дня абаронцаў Айчыны сёстры Груздзевы ўразілі трэшам — убраліся на свой густ у Беларусь і Расію.
У перадачы «Скажінемолчі» на БТ спявачкі расказалі, што песню, з якой тады выступалі, пісалі пасля пачатку вайны і што захапляюцца Лукашэнкам і Пуціным.
«Нашы прэзідэнты, вы ж паглядзіце на іх — гэта два браты», — кажуць.
Уборы для выступу шукалі адпаведныя. Дапамагла старшыня Беллегпрама Таццяна Лугіна — з ёй Груздзевы пазнаёміліся ў Пінску ў 2020-м.
«Мы да яе прыйшлі і кажам: вы ведаеце, можа, вы нам дапаможаце, у нас ёсць такая ідэя. Расказалі пра песню. Яна сказала: так, дзяўчаты, канечне. І яна накіравала нас у Беларускі цэнтр моды».
Выкарыстоўваць сцягі было ідэяй Грудзевых. А пашыць сукенкі, кажуць яны, дапамаглі дырэктарка Цэнтра моды Алена Дзегцярова і вядучы мастак-мадэльер Антон Ярошык.
Спявачкі кажуць, што з песняй ім дапамагала таксама пасольства Расіі ў Беларусі.
Адна з сясцёр Груздзевых набыла паліто «любімага брэнда Пуціна» за 3,5 тысячы рублёў. Але памылілася
Ганарар для сясцёр Груздзевых. Колькі каштуюць бюджэту выступы артыстаў на дзяржаўных канцэртах
Стараліся, але не выйшла. Стыліст расказала, чаму вобразы сясцёр Груздзевых увойдуць у аналы беларускай моды
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары