Грамадства88

«Нас «выціскаюць» патроху, але вельмі выразна…». Беларусы расказалі, як асабіста іх закранае павелічэнне камуналкі

Яўгенія з заробкам 900 рублёў і двума дзецьмі пасля падаражання паслуг ЖКГ разлічвае на падтрымку блізкіх. Пятро лічыць сітуацыю штучнай і абураны ёю. А Саша вымушаны аплачваць тры кватэры: свае і родных людзей, таму яго павышэнне тарыфаў закране тройчы. Чытачы выдання Ex-press.by шчыра расказалі, што яны думаюць пра падаражанне камунальных паслуг.

Яўгенія:

«У мяне тыпавая двухпакаёвая кватэра плошчай 48 квадратных метраў. І гэта я буду ў ацяпляльны перыяд плаціць 173,15 рубля ў месяц, у летні перыяд — 132,86 рубля. Толькі заробак мой 900 рублёў, я жыву з двума дзецьмі. Даражэе літаральна ўсё. І пра павышэнне майго заробку няма і гаворкі…

Гэта значыць, маё жыццё будзе яшчэ горшым. І зноў я буду шукаць спосабы ашчадзіць на выдатках. Паспрабую шукаць гэтыя самыя дзяржаўныя праграмы. Толькі гэта наўрад ці, бо працую не на дзяржструктуру.

Адзінае, на што разлічваю — падтрымка блізкіх. Ну, і пошук альтэрнатыўных крыніц даходу».

Пятро:

«Чаму з году ў год мы павінны плаціць за ЖКГ усё больш і больш? Ды таму, што ў нас прывыклі да гэтай інфляцыі, якая насамрэч з'яўляецца штучнай. Хто яе прыдумаў? Для чаго яна патрэбна? Грошы абясцэньваюцца, і з кожным годам уяўляюць усё меншую каштоўнасць.

Мне асабіста вельмі цяжка жывецца, хоць заробак большы, чым у многіх. Лічу кожную капейку і нават, калі еду на Мінск, спадарожнікаў стараюся браць толькі за грошы…»

Марыя:

«Я, на шчасце, не займаюся ўсімі гэтымі кватэрнымі платамі. Гэта мама робіць, я жыву пакуль з бацькамі. Але кожны месяц час плацяжоў — гэта нервовыя дні. Аддаю ад свайго заробку 200 рублёў, застаецца 500. Заўсёды думала, што добра дапамагаю бацькам, але атрымліваецца — толькі за кватэру плачу, а яны мяне кормяць, пояць… і наогул утрымліваюць. А я толькі ў адпачынкі я езджу за свой кошт, ды і то недалёка — у Піцер і Гродна магу нармальна з'ездзіць».

Таццяна:

«Насамрэч, на першы погляд, усё не так страшна. Тарыфы прывязалі да базавай велічыні. З 1 студзеня базавая велічыня — 40 рублёў. Значыць, сума павышэння не павінна быць большай за 20 рублёў. Гэта значыць нас «выціскаюць» патроху, але вельмі выразна… Мы як паддоследныя мурашы, над якімі хтосьці страшны і вялікі праводзіць доследы».

Саша:

«Кватэрная плата для мяне — не праблема, калі б я плаціў толькі за сваю. Але дапамагаю маме-пенсіянерцы, бо большая частка яе пенсіі сыходзіць на шалёна дарагія лекі. А яшчэ дачцэ дапамагаю, яна жыве на здымнай кватэры. Так што мяне павышэнне кватэрнай платы тычыцца не адзін, а тры разы. Увогуле, задзяўбло гэта ўсё… Таму што не растуць даходы нашы так, як выдаткі…»

Каментары8

  • Ганьба
    09.02.2024
    З'язджайце туды, дзе плоцяць грошы, а не падачкі альбо цярпіце. Ніхто не дапаможа. Дзяржаве пляваць на народзец. У рэвалюцыю ў нас не атрымалася.
  • ..
    09.02.2024
    Гэта значыць нас «выціскаюць» патроху, але вельмі выразна…

    ну. і тым часам на пад'ездзе аб'ява вісіць - семья из россии купит квартиру в вашем доме
  • Людмила
    09.02.2024
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць