У Беларусі ёсць толькі адзін касцёл, названы ў гонар святога Валянціна
Парафіяльнае свята адзначылі ў касцёле святога Валянціна ў Смалявічах у нядзелю — раней літургічнага ўспаміну гэтага каталіцкага святога, што прыпадае на сёння, 14 лютага.
Менавіта на сёння ў гэтым годзе прыпадае Папяльцовая серада, якой пачынаецца Вялікі пост. Прыходскія святы прынята пераносіць на выхадныя дні, каб большая колькасць людзей змагла ўзяць у іх удзел, удакладняе katolik.life.
Вернікі прасілі святога Валянціна навучыць Божай любові і дараванню. Шаноўным госцем Смалявіцкай парафіі стаў генеральны вікарый Мінска-Магілёўскай архідыяцэзіі біскуп Аляксандр Яшэўскі, які ўзначаліў цэлебрацыю ўрачыстай святой імшы.
Пасля сумеснай малітвы дзеці парафіі выступілі з пастаноўкай, а затым удзельнікаў свята чакаў абед — прысмакі прыносілі прыхаджане.
Святы Валянцін — заступнік любові, а любоў — гэта вялікі дар, адзначыла прадстаўніца парафіі падчас віншавання ўдзельнікаў свята:
«Жадаю дзеткам, каб любілі сваіх бацькоў, настаўнікаў, адзін аднаго. Маладым людзям — каб былі каханымі, каб каханне было шчырым, каб стваралі здаровыя, добрыя сем'і».
Цяпер чытаюць
17‑гадовы хлопец жыве ў падвале. Ён загарнуўся ў чырвона-зялёны сцяг, каб Лукашэнка звярнуў на яго ўвагу18
Каментары