Стала вядома, колькі беларусаў нарадзілася ў 2023. Сітуацыя найгоршая за ўвесь час падлікаў
Міністэрства юстыцыі паведаміла, што ў 2023 годзе ў Беларусі было зарэгістравана больш за 65 тысяч актаў аб нараджэнні. Дакладная лічба не ўказваецца, але ўсе суседнія падлікі ўказваюцца з дакладнасцю да адной дзясятай. З гэтага можна зрабіць выснову, што ў Беларусі нарадзіліся 65000-65100 дзяцей.
Гэта многа ці мала? Катастрафічна мала. Гэта найніжэйшы паказчык за ўвесь час, што вядуцца падлікі.
Колькасць народжаных дзяцей
- 1953 — 176 200
- 1963 — 173 889
- 1973 — 144 729
- 1983 — 173 510
- 1993 — 117 384
- 2003 — 88 512
- 2013 — 117 997
- 2023 — каля 65000.
У выніку каэфіцыент нараджальнасці (адносіны колькасці народжаных да агульнай сумы насельніцтва) апусціўся да гістарычнага мінімуму — 7,08. Гэта менш, чым у часы Другой сусветнай вайны.
Каэфіцыент нараджальнасці
- 2013 год — 12,46
- 2019 год — 9,3
- 2023 год — каля 7,08
Каментары
Россия утилизировала 300 тысяч россиян в Украине, лукашенко выгнал 200 тысяч беларусов, а с экономической миграцией, выехало больше 600 тысяч, после 2020 года.
Остальные запуганные, нищие и без перспектив для себя и своих детей.
Имеем то, что имеем.