Чым займаецца ў калоніі былы кіраўнік службы бяспекі Аляксандра Лукашэнкі Андрэй Уцюрын
Аўтар ютуб-канала «Народны рэпарцёр» Сяргей Пятрухін у новым выпуску ТОК расказаў, як выглядае і чым займаецца ў калоніі Андрэй Уцюрын, які адбывае 12-гадовы тэрмін, а таксама пра стаўленне да яго з боку астатніх зняволеных.
Сяргей Пятрухін быў затрыманы ў 2020 годзе за два месяцы да выбараў. У 2021 годзе яго асудзілі да трох гадоў зняволення. Тэрмін мужчына адбываў у калоніі «Віцьба», дзе ўтрымліваюцца былыя сілавікі, суддзі, чыноўнікі і бізнэсмены. Сярод іх і былы кіраўнік службы бяспекі Лукашэнкі Андрэй Уцюрын.
На словах Пятрухіна, Уцюрын вельмі акуратны, добра выглядае. «У яго такія туфлі былі файныя (ведаеце, як там хочацца мець зручны абутак). І ён такі вельмі акуратны».
Пры гэтым, адзначае Пятрухін, Уцюрын па нейкіх прычынах ходзіць на працу не са сваім атрадам у швейны цэх, а разам з тымі, хто працуе ў больш жорсткіх умовах.
«Ён з намі хадзіў. Мы займаліся дротам. Не памятаю, што ён там рабіў, бо ён у мяне на вачах не быў. Ён са свайго атраду далучаўся да нашага. І там з нашымі хлопцамі нешта рабіў».
Па словах Пятрухіна, у калоніі «міліцыянтаў і такіх, як Уцюрын, ігнаруюць». Пры гэтым, Уцюрын сам па сабе адзіночка.
Глядзіце цалкам:
-
«Будавала кар'еру, каб цяпер сарвацца ў аграрны? Адназначна так!» Дэканы Горацкай акадэміі закахалі ў сябе сацсеткі
-
У цэнтры Брэста паставяць гіганцкія вагі з незвычайнымі адзінкамі вымярэння
-
«Не будзем звяртаць увагу на лімітрофаў». Юрась Зянковіч запусціў уласнае медыя, не ведаючы, што гэтаксама называецца сайт пазнякоўцаў
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч7
Каментары