Мова11

Гродзенская школьніца стварыла ў тыктоку анлайн-рэпетытар па беларускай мове

У тым, што вучыць беларускую мову можна займальна і весела, пераконвае акаўнт, створаны ў тыктоку вучаніцай 10-га класа Гродзенскай гімназіі №6 Дыянай Чамерыс, паведамляе БелТА.

«БеларускаЯ» — так дзяўчына назвала свой блог, дзе публікуе 15-секундныя анімаваныя відэаролікі. У іх — кароткія заданні для тых, хто хоча праверыць і падцягнуць свае веды па беларускай мове.

«Ідэя ў мяне нарадзілася летась, калі я вырашыла паступаць на спецыяльнасць «журналістыка» ў ГрДУ імя Янкі Купалы і праходзіць тэставанне па беларускай мове, — расказала Дыяна. — Па гэтым прадмеце ў мяне «дзявятка», але веды трэба пастаянна падтрымліваць і ўмацоўваць. Вырашыла, што будзе карысна рабіць гэта такім сучасным спосабам».

Задуму дачкі падтрымала мама Юлія Аляксандраўна, якая, будучы паводле адукацыі настаўніцай беларускай мовы і літаратуры, кіруе ў гімназіі інфармацыйна-бібліятэчным цэнтрам. Цяпер Дыяна прапануе тэму, падбірае музыку і анімацыю, мантуе, а мама яе правярае ўсё на адпаведнасць правілам беларускай мовы.

«Наша галоўная мэта — папулярызацыя беларускай мовы, — гаворыць Юлія Аляксандраўна. — Разам з тым гэта і памочнік для будучых абітурыентаў. У аснове праекта — пытанні, якія сустракаліся на ЦТ у мінулыя гады».

Задачкі ў відэароліках самыя розныя: па граматыцы, сінтаксісе, пунктуацыі. Задаецца канкрэтнае пытанне, і на працягу 15 секунд карыстальнік можа даць на яго свой адказ. Пасля гэтага адказ з'яўляецца на экране, падмацаваны вытрымкай з правіла.

Першы ролік дзяўчына змантавала ў верасні мінулага года, і за кароткі час ён набраў больш за 500 праглядаў. Стала зразумела, што тэма запатрабаваная, і творчая праца працягнулася.

Сёння ў акаўнце «БеларускаЯ» — каля тысячы падпісчыкаў, а некаторыя сюжэты набіраюць звыш 70 тыс. праглядаў. Ролікаў жа ў тыктоку ўжо больш за 300.

Як расказвае Юлія Чамерыс, бываюць выпадкі, калі ў каментарах разгараюцца бурныя абмеркаванні, людзі прапануюць свае варыянты адказаў. Асабліва гэта тычыцца ролікаў, дзе трэба перакласці слова або словазлучэнне з рускай мовы на беларускую.

Дыяна і Юлія Чамерыс прадставілі свой праект на абласным туры конкурсу «100 ідэй для Беларусі». Журы ацаніла прасунутую распрацоўку, і цяпер «БеларускаЯ» рыхтуецца да ўдзелу ў рэспубліканскім этапе моладзевага конкурсу. 

Каментары1

  • Прыемна
    28.02.2024
    Дыяна, вы малайцА!)
 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі3

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі

Усе навіны →
Усе навіны

Амерыканец, які штурмаваў Капітолій і якога памілаваў Трамп, адкрыў у Брэсце рэстаран13

Шарэнда-Панасюк: Недапушчальна ствараць з людзей, якія трымаюцца за кратамі, нейкіх недавумкаў40

У Мінску знік вядомы прарасійскі блогер і госць лукашэнкаўскай прапаганды10

Як ідзе рэканструкцыя былога будынка Дома друку2

«Жах, які быццам адбываецца не з табой!» Падрабязнасці пажару ў хаскі-парку пад Мінскам1

Памятаеце рэжысёра Туровіча з гаротным лёсам? Яго не выпускаюць з турмы, дадаюць тэрмін за «непадпарадкаванне»2

Ілан Маск: ЗША збанкрутуюць без скарачэнняў бюджэту6

Галоўная трэнерка зборнай Расіі па мастацкай гімнастыцы ідзе ў адстаўку. Раней СМІ паведамілі пра яе канфлікт з Алінай Кабаевай5

Трамп сустрэўся ў Белым доме з вернутым з Расіі амерыканцам і анансаваў вызваленне яшчэ аднаго6

больш чытаных навін
больш лайканых навін

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі3

«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі

Галоўнае
Усе навіны →

Заўвага:

 

 

 

 

Закрыць Паведаміць