«Беларуськалій» зноў паспрабаваў размарозіць праз суд свае акцыі ў тэрмінале ў Клайпедзе
«Беларуськалію» не ўдалося выйграць спрэчку з Рэестравым цэнтрам Літвы наконт яго замарожаных актываў у выглядзе 30% акцый Клайпедскага тэрміналу насыпных грузаў, пішуць літоўскія СМІ са спасылкай на агенцтва BNS.
6 сакавіка рэгіянальны адміністрацыйны суд Літвы адхіліў скаргу «Беларуськалія», пастанавіўшы, што даныя аб замарожаных акцыях адпавядаюць дакументам, на падставе якіх іх туды ўнеслі. Таму яны не могуць лічыцца памылковымі і не падлягаюць выпраўленню.
Рашэнне суда можа быць абскарджанае ў Вярхоўным адміністрацыйным судзе Літвы на працягу 30 дзён.
«Беларуськалій» сцвярджаў у судзе, што ў пачатку сакавіка 2023 году папрасіў Рэестравы цэнтр выправіць нібыта памылковыя даныя ў рэестры аб прымяненні абмежавальных мер у дачыненні да кампаніі як акцыянера Клайпедскага тэрмінала. На думку «Беларуськалія», кіраваныя ім акцыі не могуць быць замарожаныя ў адпаведнасці з міжнародна-прававымі нормамі, паколькі яны абароненыя пагадненнем паміж урадамі Беларусі і Літвы аб заахвочванні і абароне інвестыцый.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары