Сёння ноччу ў матчы супраць «Караліны» Нацыянальнай хакейнай лігі Ягор закінуў сваю 27-ю шайбу ў сезоне.
Улічваючы 20 галявых пасаў, зараз у беларуса на рахунку 47 бамбардзірскіх балаў (27+20).
За ўвесь сезон 2021-2022 (а тады Ягор гуляў за «Нью-Джэрсі Дэвілз») у яго было 46 бамбардзірскіх балаў (24 шайбы + 22 галявыя перадачы).
У мінулым сезоне ў Шаранговіча было ўсяго 30 балаў (13+17), столькі ж у першым сезоне ў НХЛ (2020-21) — 30 (16+14).
А ў гэтым сезоне яшчэ 18 гульняў наперадзе.
Вось толькі з агульнай гульнёй у «Калгары» бяда. Каманда прайграла «Караліне» 2:7 і займае 11-е месца ў Заходняй канферэнцыі, адстаючы ад зоны плэй-оф на восем балаў. Шанцы трапіць у Кубак Стэнлі невялікія.
«Вашынгтон Кэпіталз» Аляксея Протаса адстае ад зоны плэй-оф на тры балы.
Каментары