Трамп і Байдэн перамаглі на праймерыз рэспубліканцаў і дэмакратаў. Яны будуць вылучаныя ў прэзідэнты ЗША
Апошні выпадак у гісторыі, калі адна з дзвюх вядучых амерыканскіх партый вылучала ў прэзідэнты кандыдата, які ўжо адзін раз прайграў на выбарах, меў месца ў 1968 годзе
Былы прэзідэнт ЗША Дональд Трамп і цяперашні гаспадар Белага дома Джо Байдэн перамаглі на праймерыз рэспубліканцаў і дэмакратаў, паведамляюць амерыканскія СМІ. Такім чынам яны неўзабаве будуць афіцыйна вылучаныя ў прэзідэнты ЗША ад сваіх партый — і выбары 2024 года стануць фактычным паўторам кампаніі 2020 года, калі Байдэн перамог Трампа, піша Бі-бі-сі.
Вылучэнне Байдэна ў прэзідэнты ЗША ад Дэмакратычнай партыі было фармальнасцю, паколькі дзеючы лідар краіны, які вырашыў ісці на другі тэрмін, як правіла, не сутыкаецца з сур'ёзнай канкурэнцыяй.
У рэспубліканцаў бітва за вылучэнне была цалкам сур'ёзнай, хоць Трамп з самага пачатку кампаніі меў велізарную перавагу і ў яго найбліжэйшай канкурэнткі, былой сталай прадстаўніцы ЗША ў ААН Нікі Хэйлі, амаль не было рэальных шанцаў на вылучэнне.
У аўторак рэспубліканскія праймерыз прайшлі ў чатырох штатах: у Джорджыі, на Гаваях, а таксама ў Місісіпі і Вашынгтоне.
Пасля таго, як Хэйлі выйшла з гонкі на фоне паражэнняў у «супераўторак», Трампу не хапала ўсяго 137 дэлегатаў на партыйнай канферэнцыі, якая неўзабаве афіцыйна вылучыць кандыдата ў прэзідэнты.
Як перадае ABC News, экс-прэзідэнт атрымаў неабходныя галасы пасля перамогі ў Вашынгтоне.
Апошні выпадак у гісторыі, калі адна з дзвюх вядучых амерыканскіх партый вылучала ў прэзідэнты кандыдата, які ўжо адзін раз прайграў на выбарах, меў месца ў 1968 годзе, адзначае цэнтр Pew Research. Тады рэспубліканцы вылучылі ў прэзідэнты Рычарда Ніксана, які саступіў Джону Кенэдзі на выбарах 1960 года.
А сітуацыя, пры якой тыя ж два кандыдаты зноў сустракаюцца на выбарах прэзідэнта, апошні раз адбывалася ў 1950-х. У 1952 годзе і 1956 гадах на выбарах сышліся Дуайт Эйзэнхаўэр і Эдлай Стывенсан. Абодва разы перамагаў генерал Эйзэнхаўэр.
Новы паядынак Трампа з Байдэнам стане сёмым такім выпадкам у гісторыі. Пры гэтым вынік першых чатырох «матчаў-рэваншаў» адрозніваўся ад першапачатковага, а ў апошніх двух аказваўся такім жа, як падчас першага галасавання.
Прэзідэнцкія выбары ў ЗША адбудуцца 5 лістапада 2024 года.
Калі Трамп пераможа, ён стане другім у гісторыі прэзідэнтам, які займаў кіраўнічую пасаду двойчы з пропускам у чатыры гады. У 1885—1889 і 1893—1897 гадах 22-м і 24-м прэзідэнтам ЗША быў Гровер Кліўленд.
Нікі Хэйлі аб'явіла аб выхадзе з выбарчай гонкі
Трамп упэўнена перамог на праймерыз у 14 штатах у «супераўторак»
Прэзідэнт Байдэн — Пуціну і Трампу: Мы не кінем саюзнікаў
Якімі могуць быць наступствы вяртання Трампа для Расеі, Украіны, Беларусі? Тлумачыць амерыканскі палітолаг
Вярхоўны суд ЗША дазволіў Трампу ўдзельнічаць у выбарах прэзідэнта
Каментары
Упэўнена, што ёсць у ЗША добры, малады і цікавы кандыдат, але дэмакраты баяцца паразы (а нікога іншага моцнага яны ня маюць, Камала Харріс была б можа цікавай, але яна нічога здолела зрабіць за свой перыяд), а рэспубліканцы занадта радыкалізіраванны (толькі Хэйлі была адэкватнай, але мы бачылі ейную папулярнасць). Зараз усё гэта дайшло да таго, што шмат амэрыканцаў лічыць грамадзянскую вайну верагоднай... На жаль, шчыра на жаль, асабліва зараз
""Один построил партию путина в США и благодаря этому уходит от уголовного преследования за совершённые преступления.""
Т.е вы тоже считаете что Путин президент мира?