З чэрвеня ў Польшчы нельга будзе пайсці працаваць таксістам, толькі прыехаўшы ў краіну
З чэрвеня ў Польшчы ўзмацняецца строгасць заканадаўства, якое рэгулюе дзейнасць службаў таксі. Іх кіроўцы змогуць працаваць толькі пры наяўнасці польскага пасведчання кіроўцы. Фактычна гэта закрые рынак для эмігрантаў-пачаткоўцаў, у тым ліку і беларусаў, піша Most.
Цяпер беларусы, якія жывуць у Польшчы больш за 185 дзён на працягу каляндарнага года, павінны памяняць правы на польскія. Але да таго яны могуць выкарыстоўваць дзейныя беларускія правы. Цяпер з імі можна ўладкавацца і ў службу таксі. Гэта робіць прафесію таксіста простай для ўваходу іншаземцаў, для многіх эмігрантаў таксі з'яўляецца першай крыніцай даходу ў Польшчы ці добрым дадатковым заробкам.
Але з чэрвеня сітуацыя зменіцца. Неабходнасць спачатку абмяняць правы і толькі потым прыйсці ў таксі вымые з рынку людзей з невялікім вопытам эміграцыі. Гэта адаб'ецца і на польскім рынку таксі. Як піша Rzeczpospolita, цэны на гэтыя паслугі могуць вырасці аж да 50%, а час чакання машын павялічыцца.
Польскі рынак таксі сутыкаецца з дэфіцытам кадраў, які закрываюць эмігранты. У сэрвісе FreeNow, да прыкладу, траціна ўсіх кіроўцаў — іншаземцы. Для паловы з іх праца кіроўцам — гэта першая праца ў Польшчы. А 35% кіроўцаў-іншаземцаў лічаць, што абмен правоў — гэта доўгая працэдура. Яна можа займаць некалькі месяцаў.
«Хутка абавяжуць ставіць відэакамеры на нашых кухнях і ў спальнях». Беларусы выказаліся пра новаўвядзенні ў таксі
Беларуса затрымалі ў Польшчы за перавозку наркотыкаў і п'янае кіраванне аўтамабілем
Таксіст адмовіўся везці пасажыра з дзіцем, а ў тарыфа «Дзіцячы» нерэальная нацэнка. Што рабіць у такой сітуацыі?
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары