Раней людзі трапілі ў пастку праз указ Лукашэнкі аб «недружалюбных» краінах.
Людзі, якія купілі кватэры некалькі год таму ў «Даны» і ўжо цалкам за іх расплаціліся, не могуць іх аформіць на сябе. Прычына — ва ўказе №326, прынятым у кастрычніку 2023 года (ён унёс змены ва ўказ №93 ад 2022 года). Згодна з ім, кампанія, дзе ёсць замежны капітал (уласнік з «недружалюбнай» дзяржавы), не мае права без спецыяльнага дазволу ўрада і ўзносу ў бюджэт распрадаваць сваю маёмасць. Замежныя забудоўшчыкі могуць прадаваць людзям пабудаванае жыллё толькі разам з выплатай 25%-га ўнёску. «Дана Астра» мае кіпрскіх уласнікаў.
13 сакавіка Лукашэнка падпісаў новы ўказ, які ўдакладняе некаторыя моманты з маёмасцю такіх кампаній.
У прыватнасці, у дакуменце пішацца, што пры пакупцы кватэр у забудоўшчыкаў не трэба будзе атрымліваць дазвол урада і плаціць узнос у 25% ад кошту, каб аформіць гэту нерухомасць ва ўласнасць.
Указ закрануў і іншыя пытанні, звязаныя з кампаніямі з капіталам з «недружалюбных» краін. Напрыклад, дадатковы ўзнос і дазвол не будзе патрэбны ў выпадках, калі банк забірае маёмасць даўжнікоў. Цалкам з дакументам можна азнаёміцца тут.
Дакумент уступае ў сілу з 14 сакавіка 2024 года (моманту апублікавання).
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА124
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары