Грамадства22

Памёр Усевалад Свентахоўскі

Пра раптоўную смерць беларускага графіка, дызайнера, каліграфа Усевалада Свентахоўскага паведаміў Беларускі саюз мастакоў. Яму было 58 гадоў.

Усевалад Свентахоўскі нарадзіўся ў Мінску. Скончыў Мінскую мастацкую вучэльню імя Глебава (1986) i Беларускую дзяржаўную акадэмію мастацтваў (1993). Вучыўся ў мастакоў Аляксея Зінчука, Вячаслава Семянько, Паўла Семчанкі, Уладзіміра Васюка.

Школа Паўла Семчанкі — вельмі вядомая, Усевалад Свентахоўскі быў яго вучнем і прадаўжальнікам традыцый настаўніка. Сам ён на адной з выстаў згадваў:

«Яшчэ ў маладосці, пасля войска, калі я паступіў у Дзяржаўны тэатральна-мастацкі інстытут, то патрапіў на курс да Паўла Апанасавіча Семчанкі. Аднойчы ён прынёс студэнтам павялічаныя фотакопіі Бібліі Францішка Скарыны, і цэлы семестр на вялікіх планшэтах мы выконвалі выявы літар, пераносілі шрыфт.

Праз 20 гадоў я змог знайсці ў майстэрні гэтыя працы і зрабіць лічбавы шрыфт. Студэнты цяпер выкарыстоўваюць шрыфтавыя плакаты, электронныя прэзентацыі са шрыфтамі. Лічбавыя і рукапісныя кампазіцыі напісанняў шрыфтоў, прадстаўленыя ў экспазіцыі, робяць годны ўнёсак у беларускую кніжную шрыфтавую культуру».

Усевалад Свентахоўскі працаваў са шрыфтамі, у кніжнай графіцы, у графічным дызайне, захапляўся каліграфіяй. Ягоныя творы экспанаваліся на выставах у Беларусі, Расіі, Сербіі, Польшчы, Літве. Таксама мастак працяглы час выкладаў у Беларускай дзяржаўнай акадэміі мастацтваў.

Некаторыя працы Усевалада Свентахоўскага

Пра час і месца развітання з Усеваладам Свентахоўскім будзе паведамлена дадаткова.

Каментары2

  • фрынас
    15.03.2024
    таленавіты чалавек застаецца сваімі працамі
    Спачывай спакойна, Усевалад!
  • Железный Дровосек
    15.03.2024
    Мае спачуванні...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ13

«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ

Усе навіны →
Усе навіны

У Брэсце патануў чатырохгадовы хлопчык. Ратавальнікам удалося вярнуць яго да жыцця

Вучоныя назвалі колькасць крокаў, якая ратуе офісных работнікаў15

Рыжанкоў даклаў Эйсмант, што накалоў дроў15

Ці забярэ камп'ютар вашу працу і калі робаты пачнуць мыць за нас посуд? Распыталі эксперта пра штучны інтэлект2

Шрайбман дапускае ахалоджванне адносін паміж Лукашэнкам і Пуціным7

Выбух у доме ў Маскве — ёсць загінулыя4

Беларуска вярнулася ў вёску пасля 20 гадоў жыцця ў Аўстрыі і робіць казіны сыр10

У Мінску закрылася вядомая пельменная2

Трамп паабяцаў, што не збіраецца балатавацца на трэці тэрмін9

больш чытаных навін
больш лайканых навін

«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ13

«Памеры палохаюць». Як выглядае знутры новаадкрыты гандлёвы цэнтр у «Мінск-Свеце» ФОТЫ

Галоўнае
Усе навіны →

Заўвага:

 

 

 

 

Закрыць Паведаміць