Польшча і Літва выступаюць за сінхранізацыю санкцый адносна Беларусі і Расіі
Пра неабходнасць сінхранізаваць санкцыі, уведзеныя супраць пуцінскай Расіі і лукашэнкаўскай Беларусі, заявілі кіраўнікі МЗС Польшчы і Літвы Радаслаў Сікорскі і Габрыэлюс Ландсбергіс падчас сустрэчы ў Варшаве.
Габрыэлюс Лансбергіс і Радаслаў Сікорскі. Фота МЗС Літвы
«Ураўноўванне мела б як практычны, так і юрыдычны сэнс, бо Беларусь таксама з'яўляецца дзяржавай-агрэсарам, паколькі дала сваю тэрыторыю для нападу на Кіеў. Каб санкцыі далі эфект, іх неабходна эфектыўна ўжываць, і гэтай мэты паслужыць іх сінхранізацыя», — заявіў Сікорскі.
Ландсбергіс дадаў, што з пачатку вайны экспарт некаторых тавараў з Беларусі ў ЕС вырас у 30 разоў — і гэта не беларускія тавары, а расіяне выкарыстоўваюць падпарадкаваную сабе краіну для абыходу абмежаванняў.
«Для нас відавочна, што Беларусь выкарыстоўваецца Расіяй для экспарту тавараў, якія падпадаюць пад санкцыі. Па гэтай прычыне павінна адбыцца іх выраўноўванне», — растлумачыў сваю пазіцыю Ландсбергіс.
Акрамя таго, краіны Еўрасаюза, якія мяжуюць з Расіяй і Беларуссю, павінны ўжываць адзіны механізм кантролю санкцыйнага рэжыму, дадаў Габрыэлюс Ландсбергіс.
«Краіны з агульнай мяжой з Расіяй і Беларуссю павінны прытрымлівацца адзінага механізму прымянення санкцый і прыкладаць агульныя намаганні да перакрыцця шляхоў іх абыходу», — прыводзіць ягоныя словы прэс-служба літоўскага знешнепалітычнага ведамства.
Чытайце таксама:
Кіраўнік МЗС Латвіі заклікаў сінхранізаваць санкцыі супраць Расіі і Беларусі
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?3
Каментары