Прадстаўнік Кенсінгтонскага палаца заявіў, што прынц і прынцэса Уэльскія вельмі кранутыя добрымі словамі падтрымкі, якія яны атрымалі пасля таго, як у Кэтрын дыягнаставалі рак.
У заяве таксама дадаецца, што яны ўдзячныя, што грамадскасць зразумела іх просьбу аб прыватнасці.
Кэтрын у відэазвароце ў пятніцу расказала, што пачала лячэнне. Ёй паставілі дыягназ пасля аперацыі на брушной поласці.
Прэс-сакратар Кенсінгтонскага палаца паведаміў: «Прынц і прынцэса надзвычай кранутыя добрымі паведамленнямі людзей тут, у Вялікабрытаніі, па ўсёй Садружнасці і па ўсім свеце».
Кароль Карл ІІІ і каралева Каміла, якія ведалі пра стан прынцэсы яшчэ да таго, як было абвешчана, заявілі, што будуць працягваць падтрымліваць яе і прапаноўваць сваю «любоў і падтрымку ўсёй сямʼі ў гэты цяжкі час».
Іншыя члены каралеўскай сямʼі таксама выказалі сваю падтрымку прынцэсе і прынцу Уэльскаму.
Так, брат прынца Уільяма Гары разам з жонкай Меган Маркл адправілі з ЗША наступнае паведамленне: «Жадаем здароўя і выздараўлення Кэтрын і яе сямʼі». Герцаг і герцагіня Сасэкскія выказалі надзею, што ў Кэтрын і яе сямʼі будзе дастаткова асабістай прасторы для гэтага.
Паводле Daily Mail, пара, як і іншыя людзі, не блізкія да каралеўскай сямʼі, нічога не ведала аб хваробе прынцэсы і даведаліся пра гэта з навін.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары