Свет1010

Уладзімір Салаўёў назваў белгарадцаў, якія скардзяцца на абстрэлы, жывёламі

Расійскія СМІ сцвярджаюць, што на падлёце да Белгарада ў ноч на 27 сакавіка збілі 18 ракет, выпушчаных украінскай арміяй з ракетнай устаноўкі «Вампір».

Thereadstory.com

Па звестках губернатара Вячаслава Гладкова, у выніку адбіцця атакі УСУ пацярпеў адзін чалавек: у яго аскепкавыя раненні паясніцы, яго шпіталізавалі. Таксама пашкоджаны аўтамабілі і жылыя дамы: у іх выбіты вокны, пасечаны дахі, фасады і платы.

Гладкоў адзначыў, што большасць белгарадцаў не ўхвалілі адмову ад паветранай трывогі па начах, таму сёння сірэну ўключалі зноў.

Акрамя таго, Гладкоў расказаў, што з Белгарадскай вобласці эвакуяваныя ўжо 2,8 тысячы дзяцей. Паводле яго слоў, усяго ў загарадныя лагеры іншых рэгіёнаў плануецца вывезці каля дзевяці тысяч дзяцей да канца гэтага тыдня.

Раней Уладзімір Салаўёў у эфіры свайго шоу назваў белгарадцаў, якія скардзяцца на абстрэлы, жывёламі («твари») і заклікаў іх заткнуцца. У адказ на старонцы шоу ва «УКантакце» сталі пакідаць гнеўныя каментары. Пасля гэтага каментарыі закрылі, піша Радыё Свабода.

Пасля пачатку поўнамаштабнага ўварвання Расіі ва Украіну расійскія рэгіёны — больш за ўсіх Белгарадская вобласць — рэгулярна падвяргаюцца абстрэлам і атакам беспілотнікаў. Мінабароны Расіі дае справаздачу аб «спыненні» ўкраінскіх нападаў і паведамляе аб збітых ракетах і дронах над тэрыторыяй Расіі. Ёсць разбурэнні і ахвяры. У большасці выпадкаў Кіеў гэтыя паведамленні не каментуе.

Каментары10

  • Спадар
    27.03.2024
    ;)))))))!!!!рабсіянам зойдзе!
  • Хрыч
    27.03.2024
    Соловьиный петух,как только лишился своего имущества в Европе,резко стал какой-то нервный )))
  • Каця Шукановіч
    27.03.2024
    Калі ён расіян aбзывае жывёламі, то хто для яго беларусы?

Генетыкі перанеслі прарадзіму індаеўрапейцаў ва Украіну6

Генетыкі перанеслі прарадзіму індаеўрапейцаў ва Украіну

Усе навіны →
Усе навіны

Стала вядома, хто прадставіць Украіну на «Еўрабачанні»4

«Ён атрымаў польскае грамадзянства за 9 месяцаў»: Ціманоўская ў шоку ад таго, што яе былы муж вярнуўся ў Мінск68

Трамп расказаў пра тэлефонную размову з Пуціным наконт Украіны4

«У нас фобія жывой камунікацыі. А сэкс менш важны, чым для мінулых пакаленняў». Зумеры адказваюць на прэтэнзіі да свайго ладу жыцця23

«У яго дастаткова праблем з жонкай». Трамп заявіў, што не будзе дэпартаваць прынца Гары11

У Віцебску судзілі мясцовага журналіста і культуролага

Год Сырскага. Як ваюе ўкраінская армія з гэтым галоўнакамандуючым6

У Мінску заўважылі, што акно аднаго са шматпавярховікаў закладзена цэглай. Ці можна так рабіць?7

У ЗША нарадзілася дзіцяня рэдкага малайскага тапіра ВІДЭА2

больш чытаных навін
больш лайканых навін

Генетыкі перанеслі прарадзіму індаеўрапейцаў ва Украіну6

Генетыкі перанеслі прарадзіму індаеўрапейцаў ва Украіну

Галоўнае
Усе навіны →

Заўвага:

 

 

 

 

Закрыць Паведаміць