29 сакавіка а 15-й гадзіне памерла Лета Юстыновіч. Гэтую мініяцюрную мінчанку ў вышываным адзенні і карункавай палярыне ў твар ведалі тысячы людзей, хоць яна не з тых, каго паказвалі па тэлебачанні.
Лета Юстыновіч нарадзілася ў Мінску ў 1939 годзе. Гадавалася без бацькі, бо ён, па прафесіі інжынер, загінуў 12 сакавіка 1940 года на савецка-фінскай вайне. Маці была настаўніцай.
Адукацыю Лета атрымлівала ў мінскім Політэхнічным інстытуце. Пасля яго заканчэння паехала працаваць у сібірскі Брацк, але праз пяць гадоў вярнулася на радзіму, каб застацца на ёй назаўсёды.
Вядомай жанчына стала таму, што, як сама казала ў 2009 годзе, «у 1989-м, калі пачалося Адраджэнне, я кінулася ў яго з галавой. Гэтыя дваццаць гадоў ім і жыву».
Дзесяткі гадоў яе можна было бачыць практычна на ўсіх апазіцыйных акцыях, якія адбываліся ў Мінску — і на буйных, і на дробных. Далёка не кожны з іншых іх удзельнікаў ведаў, як яе завуць, але ў твар пазнавалі тысячы людзей. Яна была сапраўдным сімвалам і ўвасабленнем беларускага нацыянальнага і дэмакратычнага руху.
Пахаванне Леты Юстыновіч пройдзе ў суботу, 30 сакавіка, а 13-й гадзіне ў Лоску на Валожыншчыне. У гэтай вёсцы жыве яе дачка.
Чытайце таксама:
Памёр калісьці вядомы блогер Целагрэйкін
Памёр беларус Алім Кашавараў, які гераічна ратаваў людзей у «Крокус Сіці Холе»
-
Як праходзяць палявыя зборы ў школьнікаў — штурмаваць акопы і разбіраць аўтаматы вучаць і дзяўчат
-
Лукашэнка заклікаў Арменію быць акуратнай. «Каб не паўтарыць тое, што адбылося ва Украіне»
-
Стала вядома пра вызваленне Аляксандра Арановіча — кіроўцы аўтадома «Краіны для жыцця», якога арыштавалі разам з Ціханоўскім
Цяпер чытаюць
Лукашэнка нервова пракаментаваў візіт Ціханоўскай у Кіеў36
Каментары
Гэтая жанчына была адной з тых, якія атачылі колам і ня далі прыняць мянтам, калі тыя кінуліся, каб мяне схапіць падчас аднаго з шэсьцяў. Няхай Пан Бог прыйме тваю душу ў сваё Валадарства дзе ўсе сьвятыя спачываюць.
RIP