Новую заяву Аляксандр Лукашэнка зрабіў у час паездкі ў Гродна.
«Мы рыхтуемся да вайны, я аб гэтым гавару шчыра», — сказаў Аляксандр Лукашэнка.
Паводле яго слоў, у краіне вядзецца падрыхтоўка адпаведных падраздзяленняў, у войскі пастаўляюцца розныя віды ўзбраенняў і тэхнікі. «Калі адтуль [з «недружалюбных» краін] нехта падвывае і нас крытыкуе, ведайце: мы робім правільна. Калі там нас пачнуць хваліць, бяда», — сказаў ён.
Удзельнічаючы ва ўрачыстай цырымоніі закладкі капсулы на месцы будаўніцтва новай гарадской бальніцы ў Гродне, Лукашэнка звярнуў увагу, што беларуская падрыхтоўка да вайны больш міралюбівая, чым на Захадзе.
«Мы ж цяпер таксама капаем зямлю, як і яны, зусім побач з мяжой. Толькі мэты ў нас зусім розныя. Там капаюць акопы, траншэі супраць танкаў і іншага, павялічваюць выдаткі на ўдарныя ўзбраенні. А мы тут дзве траціны бюджэту рэгіёну накіроўваем на сацыяльную сферу — ахову здароўя, адукацыю, культуру, спорт і гэтак далей. Мы хочам пабудаваць сваю мірную будучыню. Мы настроены толькі на стварэнне», — сказаў ён.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы9
Каментары
санитарыХоджаев и Караник.