Грамадства1313

Што вядома пра Уладзіміра Пярцова, які стаў галоўным ідэолагам Беларусі

Апошнія тры гады Уладзімір Пярцоў быў міністрам інфармацыі, а цяпер пайшоў на павышэнне. Яго папярэднік Ігар Луцкі перайшоў на працу ў Савет Рэспублікі. Расказваем, што вядома пра Пярцова.

Пры Пярцове адбыўся поўны разгром незалежных медыя

Пярцоў стаў міністрам інфармацыі ў красавіку 2021 года. Фармальна менавіта пры ім адбыўся поўны разгром незалежных медыя — былі закрытыя Tut.by, «Наша Ніва», БелаПАН і іншыя СМІ. Быў «нармалізаваны» Анлайнер.

Але застаецца вялікае пытанне, ці абраны рэпрэсіўны курс быў персанальнай ініцыятывай Пярцова.

Рэч у тым, што адначасова з прызначэннем Пярцова на пасаду міністра пайшоў на павышэнне яго папярэднік Ігар Луцкі, які стаў намеснікам па ідэалогіі кіраўніка Адміністрацыі прэзідэнта.

І калі Пярцоў у першыя дні працы міністрам акуратна казаў, што ў Беларусі заўсёды былі і будуць апазіцыйныя СМІ, Луцкі ўпэўнена перайшоў да тэрору ў адносінах журналістаў і рэдактараў.

Цяпер гісторыя-2021 паўтараецца — міністр інфармацыі пераходзіць у крэсла ў Адміністрацыі прэзідэнта і зможа (прынамсі пры жаданні) уплываць на медыяпрастору. Якія планы ў Пярцова і ці пакінуць яму нейкую свабоду дзеяння, будзе зразумела бліжэйшым часам.

Дзесяць гадоў на чале «Міра» 

Уладзімір і Юлія Пярцовы. Фота з сацыяльных сетак

Самы працяглая прыступка ў кар'еры ў Пярцова — дзесяцігадовая праца дырэктарам прадстаўніцтва тэлеканала «Мір» у Беларусі. Ён займаў гэтую няпыльную пасаду з 2010 да 2021, атрымаўшы яе адразу пасля ўдалага шлюбу.

Жонка Пярцова — тэлевядучая Юлія Пярцова, дачка Аляксандра Радзькова. Блізкі да Лукашэнкі чыноўнік быў міністрам адукацыі, працаваў намеснікам кіраўніка Адміністрацыі прэзідэнта, а пасля ўзначальваў «Белую Русь».

Пры Пярцове «Мір» не дэманстраваў ніякіх поспехаў. Хоць тэлеканал і трапіў у «сацыяльны спіс», а значыць, быў даступны кожнаму гледачу ў Беларусі, яго рэйтынгі заставаліся мізэрнымі.

Зрэшты, калі на месца Пярцова ў «Мір» прыйшла Вольга Шпілеўская, сітуацыя не змянілася.

Няўдалы досвед у тэлеэфіры

Уладзімір Пярцоў нарадзіўся ў Віцебску ў 1974 годзе. Скончыў мастацка-графічны факультэт Віцебскага дзяржаўнага ўніверсітэта.

У 1990-я ён працаваў у мясцовым Палацы культуры і тэхнікі прафсаюзаў, быў вядучым дыскатэк. Быў сярод стваральнікаў радыёстанцыі «Віцебск». Непрацяглы час працаваў у Расіі, але пасля вярнуўся ў Беларусь.

Пярцоў спрабаваў зрабіць у Мінску кар'еру тэлевядучага, трапіў нават у «Добрай раніцы, Беларусь!», але нешта пайшло не так. Тагачасны кіраўнік БТ Ягор Рыбакоў прызнаваўся, што дуэт Пярцова і Таццяны Сулімавай недастаткова дынамічны для ранішняга эфіру. «У вобразе вядучых прысутнічала нешта, што закалыхвае публіку», — казаў ён.

Пасля Пярцоў узначаліў Гродзенскую абласную тэлерадыёкампанію, пакуль не атрымаў запрашэнне ў «Мір».

Каментары13

  • Так
    08.04.2024
    Белорус з Віцебска, зразумела.
  • Так
    08.04.2024
    Мне цікава, варта пісаць пра паходжанне - гэта праўда. Аднак варта аб'ектыўна прызнаць, што многія беларусы, калі не большасць, адданчыя расейскай справе. І чым далей на усход, тым такі больш.
  • Ёсік2
    08.04.2024
    Акрамя, як несьці бздуру па БТ, і ўсхваляць дырэктара саўгаса, ён не мае аніякага дачыненьня да Беларусі. Мне ўсё роўна, хто ён.

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям61

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць