Расэл Кук прабег праз усю Афрыку за 352 дні.
Расэл Кук прабег ад самай паўднёвага да самага паўночнага пункта Афрыкі больш за 16 тыс. км. Паводле яго слоў, ён хацеў справіцца з псіхічнымі праблемамі і залежнасцямі, піша Бі-бі-сі.
Марафон заняў 352 дні і завяршыўся ў Тунісе. Першапачаткова Кук планаваў прабегчы з Туніса ў ПАР дыстанцыю 360 марафонаў за 240 дзён без выходных, але яму гэта не ўдалося праз адсутнасць алжырскай візы.
Тады ён вырашыў адправіцца 22 красавіка з самага паўднёвага пункта Паўднёвай Афрыкі на поўнач праз 16 краін. Усяго ён пераадолеў 16,3 тыс. км.
У дарозе ў брытанца адбылося некалькі вымушаных прыпынкаў.
У чэрвені ў Анголе ў Кука і яго сябраў скралі грошы і дакументы, у Нігерыі яму давялося звярнуцца да дактароў з-за дрэнных аналізаў і боляў у спіне і ў выніку знізіць тэмп і скараціць дыстанцыю, якую ён прабягаў кожны дзень. Першы выхадны ён узяў праз 45 дзён. Праз Сахару Кук бег ноччу.
Брытанец казаў, што пакутуе псіхічнымі праблемамі, залежнасцю ад алкаголю і азартных гульняў і хацеў гэтым марафонам «змяніць сітуацыю».
Падчас забегу Кук сабраў каля £700 тыс. на дабрачыннасць.
Пры гэтым не ўсе пагадзіліся з меркаваннем, што Кук першым прабег праз усю Афрыку. У прыватнасці, World Runners Association, у якую ўваходзяць сем вядомых ультрамарафонцаў, заявіла, што першым гэта зрабіў датчанін Еспер Олсен у 2010 годзе, хоць той прабег ад егіпецкай Табы да Мыса Добрай Надзеі ў ПАР за 434 дні і яго шлях быў удвая карацейшы.
-
Дэпутата Еўрапарламента, які расследаваў злоўжыванні Pegasus, самога ўзламалі гэтай шпіёнскай праграмай
-
Расіянку, якая зрабіла ў бары «кальян на кулічы», усё ж не будуць адпраўляць у калонію
-
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей10
Каментары