Музыка44

Беларускі спявак Ap$ent пра свае заробкі: Рэкорд на месяц — $30 тысяч

Арсень Кісляк, вядомы як выканаўца Ap$ent, у новым выпуску ЧестнОК-LIVE расказаў пра свой вопыт працы да таго, як пачаў спяваць, і заробкі.

Арсень Кісляк Ap$ent Арсений Кисляк Arseniy Kislyak
Арсень Кісляк. Скрын відэа: chestnok_live / YouTube

Як адзначае Арсень, ён з беднай сям'і: «Мая маці заўсёды працавала на працы, якая нізка аплачвалася. У мяне былі танныя непрыгожыя рэчы з рынка. Першы камп'ютар мне купілі ў 16 гадоў за грошы, што пералічылі дзядулю за бежанства ў Другой сусветнай вайне. Вырашылі такім чынам укласціся ў маю адукацыю. І не дарэмна. Ужо ў той час я пачаў пісаць і мантаваць музыку». Па словах мужчыны, маці падтрымлівала яго спробы ў музыцы і купіла першую гітару.

Але шлях у музыку быў доўгім. «Я не разумеў, як я магу займацца музыкай. Было незразумела, як ёй можна жыць, як гэта ўсё манетызаваць. … На момант, калі я заканчваў школу, музыкай нельга было зарабіць. А мне трэба было есці, самому выжываць», — згадвае хлопец і распавядае пра вялікі вопыт працы.

Пасля заканчэння школы маці прывяла Арсеня да сябе на завод, дзе ён адпрацаваў адзін дзень:

«Я адзін дзень папрацаваў на заводзе і зразумеў, што гэта вельмі моцна не маё. Не ў тым, што складаная работа (яна была якраз вельмі лёгкая). Там нейкі кантынгент, людзі, якія співаюцца, якім нічога ў жыцці не цікава… Мне было цяжка там знаходзіцца».

Пасля гэтага хлопец уладкаваўся на працу ў банк, дзе адпрацаваў два с паловай гады ў касе, а потым стаў спецыялістам. Але пазней ён расчараваўся ў гэтай рабоце:

«Работа душыла сваёй бесперспектыўнасцю. Усё было вельмі дрэнна. Я амаль увайшоў у дэпрэсіўны стан. І вырашыў, што ўсё трэба кідаць і кардынальна мяняць».

У выніку Кісляк заняўся продажамі. Як згадвае хлопец, даводзілася гандляваць маторным алівам, гафрыраванымі трубамі. Але і гэта яму надакучыла, быў «вялікі псіхалагічны ціск у рабоце з людзьмі, з начальствам».

У выніку Кісляк зноў змяніў месца працы:

«Я думаў, што нічога не ўмею. Мне было 23-24 гады. Вырашыў пайсці на будоўлю», — згадвае ён. Па яго словах, там ён шмат чаму навучыўся. Рабіў электрыку, тынкаваў, шпакляваў. Але зноў зразумеў, што пачаў «на месцы буксаваць». Да таго ж, па яго словах, будоўля — такая «воўчая сфера, дзе вечна праблемы з заказчыкамі, аплатамі».

Пасля будоўлі Кісляк стаў прадаваць электрыку. Але праз некаторы час гэта перастала прыносіць прыбытак і ён стаў працаваць агентам па нерухомасці. А затым стаў крэдытным кансультантам.

Нягледзячы на такі доўгі шлях да музыкі, Кісляк лічыць, што ён не быў згублены. Ён набыў пэўны вопыт. Змяніўся і час.

«Мне здаецца, каб я тады напісаў «Можна, я з табой?», яна нікому не была б патрэбная. Магчыма, яна б і падабалася людзям, але цяпер сацыяльныя сеткі, тыктокі. Цяпер маштабная анлайн-сфера. Можна манетызаваць. Тады нельга было. Таму я лічу, што ў музыку прыйшоў своечасова», — гаворыць Арсень.

Што датычыць актуальных заробкаў, то выканаўца, у якога 54 мільёны праглядаў у тыктоку, а відэа ў ютубе, якія выкарыстоўваюць яго трэк, за апошні месяц набралі 463 мільёны праглядаў, адзначае:

«Калі адкінуць лэйблы і прыбраць авансы, то гэта могуць быць дзясяткі тысяч долараў. Можна добра зарабляць на стрымінгах». Але, па яго словах, ён і да гэтага зарабляў «дзясяткі тысяч долараў на месяц» і дадае: «мой канкрэтны рэкорд — $30 тысяч».

Праўда, Кісляк не адказаў на пытанне, які бізнэс прынёс яму такія грошы.

Каментары4

  • Anatol Starkou
    15.04.2024
    [Рэд. выдалена]
  • Имя
    15.04.2024
    Хлопцу не хватает мудрости и тактичности. Не понравилось его раздражение по поводу сравнения цоевского вайба с песней "можно я с тобой". Арсент начал звездить
  • этот
    15.04.2024
    Порвут как Тузик грелку. Глупо и не дальновидно. 
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзе нарадзіліся вядомыя беларусы? Больш за дзесяць тысяч асоб сабралі на адной карце4

Дзе нарадзіліся вядомыя беларусы? Больш за дзесяць тысяч асоб сабралі на адной карце

Усе навіны →
Усе навіны

Турчын: Пералік тавараў з рэгуляванымі цэнамі скароцяць3

Украінцы ўзялі ў палон ураджэнца Магілёва і прысудзілі яму 15 гадоў за дзяржаўную здраду10

«Мы будзем адказваць на ўсе ўдары з боку Расіі». Зяленскі адрэагаваў на заяву Крамля пасля перамоў з ЗША3

У Бярозаўскім раёне жанчына набыла праз аўкцыён хату сваёй бабулі3

Аляксандр Івулін завёў мілага сабаку. Пра такую пароду вы, магчыма, не чулі17

«Трамп, відаць, не пагадзіўся на гэтыя вар'яцкія ўмовы»: першыя рэакцыі на размову Трампа з Пуціным8

Маршрутка для тых, хто курыць, ці самагонны апарат на колах? У Бабруйску заўважылі незвычайнае аўто1

«Вельмі добрая і прадуктыўная». Трамп пракаментаваў сваю размову з Пуціным4

Якія назвы вуліц самыя папулярныя ў Беларусі?5

больш чытаных навін
больш лайканых навін

Дзе нарадзіліся вядомыя беларусы? Больш за дзесяць тысяч асоб сабралі на адной карце4

Дзе нарадзіліся вядомыя беларусы? Больш за дзесяць тысяч асоб сабралі на адной карце

Галоўнае
Усе навіны →

Заўвага:

 

 

 

 

Закрыць Паведаміць