Свет22

Дачка Рамзана Кадырава атрымала ўзнагароду за ўклад у «развіццё прадпрымальніцтва». Яна занялася бізнэсам год таму

Табарык Кадырава. Фота: Настоящее время

19-гадовая дачка кіраўніка Чачні Табарык Кадырава атрымала медаль «За заслугі перад Чачэнскай рэспублікай», паведамляецца на сайце мэрыі Грознага, піша «Настоящее время».

«З'яўляючыся заснавальнікам кампаніі» Ірс груп«, Табарык Рамзанаўна праявіла сябе як ініцыятыўны і эфектыўны кіраўнік, які імкнецца да высокіх вынікаў на даручаным кірунку», — гаворыцца ў публікацыі.

З узнагароджаннем Табарык Кадыраву таксама павіншаваў яе дзядзька, старшыня Духоўнага ўпраўлення мусульман Чачні Салах Межыеў. Ён адзначыў, што пад кіраўніцтвам Табарык кампанія «рэалізавала шмат бізнэс-праектаў у сферы рознічнага і аптовага гандлю, рэстараннага і гасцінічнага бізнэсу».

Як адзначаюць «Кавказ.Реалии», медаль Табарык Кадырава атрымала за ўклад у «развіццё прадпрымальніцтва і інвестыцыйнай прывабнасці рэгіёну».

Дачка Рамзана Кадырава ўзначаліла «Ірс Груп» у сакавіку 2023 года, ва ўзросце 18 гадоў. Арганізацыя займаецца гандлем, выпечкай хлеба, кіраваннем нерухомасцю, пасажырскімі перавозкамі. Па выніках мінулага года «Ірс Груп» задэкларавала выручку ў 203 млн рублёў (2,17 млн даляраў). Чысты прыбытак кампаніі склаў 196 млн рублёў (2,1 млн даляраў), а выдаткі — 6,2 млн. рублёў (64 тысячы даляраў).

Пры гэтым адна з кампаній групы — «Грозенскае таксі» — скончыла 2023 са стратамі ў 22 млн рублёў (235 тысяч даляраў). Фірма лічыцца найбуйнейшым перавозчыкам у Грозным. Увесну 2023 года паведамлялася, што тарыфы ў «Яндэкс.таксі» ў Чачні выраслі ў тры разы. Па дадзеных мясцовых апазіцыйных актывістаў, гэта было звязана з «рэйдамі» кадыраўцаў супраць канкурэнтаў.

Каментары2

  • *
    22.04.2024
    Рай в отдельно взятом клочке земли
  • Суповой пакетик
    22.04.2024
    ... и, разумеется, только для тех, кто принадлжети к семейству Кадыровых...

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

У Мінску пачалі будаваць новы касцёл8

На канцэрт Кадышавай у Мінску ў какошніках прыйшлі нават мужчыны92

Трамп лічыць, што Пуцін ва Украіне мог бы дзейнічаць і больш жорстка12

Сталі вядомыя падрабязнасці разбойнага нападу з пісталетам у Мінску1

Роберт Патынсан стане новым Джэймсам Бондам2

Трамп: Я нічога не чуў пра запаволенне Starlink ва Украіне4

Стыхійныя горкі для цюбінгу ў Мінску будуць засыпаць пяском

У продажы з'явіўся заменнік Nesquik ад «Савушкавага»2

У Мексіцы памёр адзін з найбуйнейшых наркабаронаў у гісторыі4

больш чытаных навін
больш лайканых навін

Крымскі мост зруйнаваны ўдарам украінскіх ракет36

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць