Зняволенаму журналісту Дзянісу Івашыну забаранілі перадачы з вітамінамі
Зараз, каб даслаць вітаміны ў турму ці калонію, неабходна атрымаць спецыяльны дазвол ад лекара медычнай часткі ўстановы
Раней такое правіла распаўсюджвалася толькі на неабходныя лекі.
«Ранейшы спіс дазволеных для перасыланьня вітамінаў скасаваны. Цяпер нават вітамін С нельга даслаць вязьню без «рэкамендацыі медыка», — напісала Вольга Івашына.
Нагадаем, Дзяніс Івашын ужо паўтары гады пазбаўлены прадуктовых перадач, у якіх можна было дасылаць садавіну ці гародніну, каб кампенсаваць недахоп вітамінаў.
Гродзенскага журналіста Дзяніса Івашына затрымалі 12 сакавіка 2021 года і праз паўтара года прызналі вінаватым паводле арт. 365 (умяшанне ў дзейнасць супрацоўніка ўнутраных спраў) і ч. 1 арт. 356 Крымінальнага кодэкса (здрада дзяржаве) і асудзіў яго да 13 гадоў і 1 месяца калоніі ва ўмовах узмоцненага рэжыму.
Пакаранне адбывае ў турме ў Жодзіне.
Каментары