«За карупцыю яго б ніхто затрымліваць не стаў». Намесніка міністра абароны РФ могуць абвінаваціць у дзяржздрадзе
Намесніка міністра абароны РФ Цімура Іванова падазраюць у дзяржздрадзе, пішуць «Важныя гісторыі» са спасылкаю на свае крыніцы.
Дзве не звязаныя адна з адной крыніцы «Важных гісторый», блізкіх да ФСБ, распавялі, што сапраўдная прычына арышту намесніка міністра абароны Цімура Іванова — дзяржздрада.
«Хабар — гэта для публікі. Пакуль гаварыць публічна пра дзяржздраду не хочуць — скандал вялікі: усё ж такі намеснік міністра абароны», — гаворыць адна з нашых крыніц.
«За карупцыю яго б ніхто затрымліваць не стаў. Пра гэта там [у Крамлі] даўно ўсе ведалі. Пуцін даў каманду пасля таго, як удалося пераканаць, што гаворка ідзе менавіта пра дзяржздраду», — кажа іншая крыніца.
Праваахоўныя органы Расеі валодаюць кампраметуючымі матэрыяламі на Іванова ўжо шмат гадоў. Пра гэта яшчэ ў 2017 годзе галоўнаму рэдактару «Важных гісторый» Раману Аніну распавядаў следчы СК РФ. Паводле яго слоў, сабраныя СК матэрыялы тычыліся дзейнасці Іванова ў якасці кіраўніка «Оборонстроя». Аднак рэалізаваць гэтыя матэрыялы тады не дазволіла кіраўніцтва Расіі: за Іванова заступіўся Шайгу.
«Ён асабіста тэлефанаваў Юрʼеву [кіраўніку Дэпартамента вайсковай контрвыведкі ФСБ] і матам крыў за тое, што ФСБ працуе па яго блізкіх», — распавядаў следчы СК.
«Цяпер вырашаюць, што з ім рабіць: альбо будуць саджаць па хабары і «дабіваць» на зоне, альбо перакваліфікаваць абвінавачванне на дзяржздраду», — пішуць «Важныя гісторыі» са спасылкаю на крыніцу, блізкую да ФСБ.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага6
Каментары