Наўседа ў Сувалкскім калідоры прапанаваў Дудзе сумесныя закупкі HIMARS
Прэзідэнты Літвы і Польшчы Гітанас Наўседа і Анджэй Дуда сёння наведалі вучэнні «Адважны Грыфон», якія праходзяць у Сувалкскім калідоры.
Яны адзначылі гатоўнасць прыйсці адзін аднаму на дапамогу ў выпадку ваеннай пагрозы, выказаліся за далейшае ўмацаванне ўсходняга флангу НАТА і абмеркавалі супрацоўніцтва ў кібербяспецы і закупцы ўзбраенняў, піша Reform.news.
Паводле яго слоў, раён Сувалкскага калідора знаходзіцца пад пагрозай. Ён таксама дадаў, што міграцыйны ціск на межах Літвы і Польшчы з Беларуссю з'яўляецца «праверкай нашай здольнасці рэагаваць» і абараназдольнасці.
Гітанас Наўседа таксама адзначыў, што вучэнні дэманструюць гатоўнасць саюзнікаў да абароны важнага ўчастка.
Паводле яго слоў, прэзідэнты не проста назіралі за манеўрамі, але і абмеркавалі пытанні ваеннага супрацоўніцтва ў сферы кібербяспекі і сумесных закупак.
Сувалкскі калідор — участак тэрыторыі Літвы і Польшчы паміж межамі Беларусі і Калінінградскай вобласці РФ. З'яўляецца адзіным сухапутным шляхам паміж краінамі Балтыі і іншымі дзяржавамі ЕС і НАТА. Нядаўна Аляксандр Лукашэнка, наведваючы пазіцыі беларускіх войскаў у Ашмянскім раёне ў рамках праверкі боегатоўнасці дэманстратыўна цікавіўся шырынёй калідора.
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
-
Дзмітрый Мядзведзеў: Фінляндыі давядзецца заплаціць за сваю мярзотную русафобію
Каментары