Сі Цзіньпін упершыню за пяць гадоў адпраўляецца ў турнэ па еўрапейскіх краінах
Ён будзе пераконваць еўрапейскіх лідараў у прывабнасці эканамічнага супрацоўніцтва.
Сі Цзіньпін упершыню за пяць гадоў адпраўляецца ў турнэ па еўрапейскіх краінах, каб пераканаць іх у прывабнасці эканамічнага супрацоўніцтва з Пекінам. «Сі Цзіньпін мае намер убіць клін паміж Еўропай і ЗША», — піша Bloomberg.
Сі Цзіньпін 5 мая пачне сваё пяцідзённае турнэ ў Францыю, Сербію і Венгрыю, якія разлічваюць на кітайскія інвестыцыі, адзначае РБК.
Французскі прэзідэнт Эмануэль Макрон мае намер паглыбіць свае асабістыя сувязі з кітайскім лідарам падчас яго двухдзённай паездкі ў Францыю і звярнуцца да яго з просьбай пераканаць Уладзіміра Пуціна пакласці канец канфлікту ва Украіне. Макрон таксама імкнецца прыцягнуць інвестыцыі Кітая ў вытворчасць акумулятараў для электрамабіляў у краіне.
Французскі лідар збіраецца запрасіць калегу на вячэру ў Елісейскім палацы, а ў меню можа ўвайсці французскі каньяк, які стаў аб'ектам антыдэмпінгавага расследавання ў Кітаі.
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары
Але ж яго гэта не кране.
Крывавы каммуняка знішчае цэлы народ уйгураў.