Шанцы вярнуць званне першай ракеткі свету змяншаюцца.
Уначы пасля сканчэння прэстыжнага тэніснага турніру ў Мадрыдзе былі адноўленыя мужчынскі і жаночыя рэйтынгі.
Іга Свёнтак і Арына Сабаленка захавалі званні першай і другой ракетак свету, але полька павялічыла адрыў ад беларускі.
Сабаленка не змагла абараніць тытул, яна прайграла ў фінале акурат Свёнтак, таму страціла 1000 балаў (год таму Арына выйграла турнір у сталіцы Іспаніі), але набрала 650 за выхад у фінал. Іга, наадварот, заваявала 1000 балаў.
Зараз у Ігі 10910 балаў, у Арыны — 7498 балаў. Сабаленка адстае на 3412 балаў.
Перамогі ў турнірах, у якіх удзельнічаюць дзяўчаты, прыносіць па 500 ці 1000 балаў. Перамога на турніры Вялікага шлему (Australian Open, Ралан Гарос, Уімблдон, US Open) прыносіць па 2000 балаў. Ну і трэба, адпаведна, каб Свёнтак вылятала на ранніх стадыях.
Так, напрыклад, да Уімблдонскага турніру, які стартуе 1 ліпеня, пройдуць турніры ў Рыме (1000 балаў), Страсбуры (500), Ралан Гарос (канец мая — пачатак чэрвеня, 2000 балаў), Берліне і Істбурне (па 500 балаў).
Каментары