Мінаабароны ў відэа пра вучэнні з ядзернай зброяй паспрабавала заблюрыць самалёт, але нешта пайшло не так
У беларускай арміі пачалася сінхронная з Расіяй раптоўная праверка гатоўнасці сіл і сродкаў носьбітаў ядзернай зброі. Мінабароны паспяшалася апублікаваць відэа пра мерапрыемства. З рэтушшу ўзніклі пытанні.
У роліку праграму праверкі каментуе начальнік Генштаба Віктар Гулевіч. На відэа дэманструюць пасадку самалёта Су-25, які можа несці ядзерную зброю.
Аўтары роліка вырашылі заблюрыць некаторыя часткі самалёта, але нешта пайшло не так. Напрыклад, на борце ўсё ж можна разгледзець нумар, які захацелі схаваць.
Дзіўна выглядае рэтуш і на агульным плане — хутчэй за ўсё, тут таксама блюрылі нумары. Заблюраны абвес падобны да дадатковых паліўных бакаў Су-25.
Падрабязнасці праверкі на сходзе ў гонар 9 мая раскрыў Аляксандр Лукашэнка. Паводле яго слоў, будзе рабіцца падача боепрыпасаў з ядзернай зброяй у ракетныя і авіяцыйныя вайсковыя часці, загрузка іх на пускавыя ўстаноўкі і падвеска на самалёты.
Ракетныя дывізіёны аператыўна-тактычных комплексаў «Іскандэр» і «Паланэз» будуць патаемна выведзеныя на прызначаныя пазіцыі і будуць адпрацоўваць пытанні нанясення ракетных удараў для адбіцця імавернага нападу.
Праверка пачалася проста падчас сходу ў Палацы Рэспублікі, на якім прысутнічае і кіраўнік Мінабароны Віктар Хрэнін.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары