На беларуска-польскай мяжы затрымалі расійскага дэзерціра. Імаверна, ён ішоў проста з фронту
Мужчына быў у цывільным адзенні і без зброі, але з вайсковым кантрактам.
У Польшчы на мяжы з Беларуссю затрымалі дэзерціра з расійскай арміі, піша RMF FM.
Расіяніна затрымалі падляскія пагранічнікі неўзабаве пасля перасячэння беларускай мяжы.
Паводле звестак радыёстанцыі, затрыманаму расійскаму салдату — 41 год. Ён быў у цывільным адзенні і без зброі і спрабаваў трапіць у Польшчу нелегальна праз Беларусь, верагодна, з украінскага фронту.
У салдата былі знойдзеныя расійскія вайсковыя дакументы, у тым ліку кантракт з войскам, які прадугледжвае ўдзел у ваенных дзеяннях супраць Украіны.
Расіянін спрабаваў скарыстацца арганізаваным рэжымам Аляксандра Лукашэнкі міграцыйным каналам, якім карыстаюцца замежнікі пераважна з Блізкага Усходу, Паўночнай Афрыкі і Цэнтральнай Азіі, каб трапіць у Еўропу.
41-гадовага расіяніна зараз правяраюць польскія службы.
Падляскія памежнікі пацвердзілі, што супрацоўнікі затрымалі расійскага дэзерціра на тэрыторыі Польшчы пры спробе перасекчы мяжу.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога5
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары