Інцыдэнт адбыўся недалёка ад Чаромхі ў Падляскім ваяводстве 9 мая. Супрацоўнік польскай памежнай службы патруляваў мяжу. Ён заўважыў на загародзе маркер і вырашыў яго зняць, піша Radio Zet.

Такія маркеры на плоце пакідаюць арганізатары нелегальнай міграцыі. Звычайна налепкамі пазначаюць месца збору і будучага прарыву мяжы.
Калі памежнік падышоў да плота, каб сарваць налепку, з другога боку загароды нечакана з'явіўся мігрант. Ён прасунуў рукі скрозь краты, схапіў рацыю і ўцёк.
Пра інцыдэнт адразу ж паведамілі ў камандны пункт, рацыя была дыстанцыйна адключаная. Расследаванне ў памежнай службе праводзіць не будуць: запісы з камер пацвердзілі аповед памежніка.
Нагадаем, 10 мая група мігрантаў з 140 чалавек распачала чарговую спробу штурму польскай мяжы. Аднак натоўп быў адкінуты польскімі памежнікамі на тэрыторыю Беларусі.
-
Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі
-
Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год
-
Тры тыдні таму сустракаўся з Лукашэнкам, цяпер сыходзіць праз карупцыйны скандал — прэзідэнт Манголіі абвясціў пра адстаўку
Каментары