Пракурор Міжнароднага крымінальнага суда запатрабаваў выдаць ордэр на арышт прэм'ера і міністра абароны Ізраіля
Аналагічнае патрабаванне тычыцца і лідараў ХАМАС.
Пракурор Міжнароднага крымінальнага суда Карым Ахмад Хан запатрабаваў выдаць ордары на арышт лідараў групоўкі ХАМАС, а таксама прэм'ер-міністра і міністра абароны Ізраіля.
У заяве сказана, што лідар ХАМАС Ях'я Сінгвар, камандзір ваеннага крыла Махамед аль-Масры і кіраўнік Палітбюро ХАМАС Ісмаіл Ханія датычныя да ваенных злачынстваў у Ізраілі — іх падазраюць у масавых забойствах, катаваннях, згвалтаваннях, захопе закладнікаў і іншых злачынствах.
Прэм'ер Ізраіля Біньямін Нетаньяху і міністр абароны Ёаў Галант падазраюцца ў забойствах, правакаванні голаду, знішчэнні, прычыненні пакут, пераследзе і іншых злачынствах у сектары Газа.
Калі ордары будуць выдадзены, краіны, якія ратыфікавалі Рымскі статут, будуць абавязаны арыштаваць падазраваных і перадаць іх у Гаагу.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары