Адзін кіроўца ўбачыў хлопца на самакаце, а другі — не. Што было далей
Паглядзіце на тое, як тармазіў хлопец на электрасамакаце, ледзь не трапіўшы пры гэтым пад машыну.
Пешаходны пераход як бы рэгуляваны, але святлафор не працуе — так што нерэгуляваны. Кіроўцы абавязаныя саступіць дарогу: адзін так і зрабіў, другі праляцеў на значнай хуткасці. Цуд, што ўсё гэта скончылася без наступстваў, піша Onliner.by.
Відэа знятае на скрыжаванні вуліц Бялградскай і Тэслы ў Мінску.
— Я спыніўся прапусціць хлопца на электрасамакаце, — пацвердзіў аўтар відэа.
Чаму на такой хуткасці праехаў пераход іншы кіроўца — пытанне. Магчыма, ён і зусім не бачыў, што хтосьці выязджае на пераход. Быць было бядзе, але добра зрэагаваў чалавек на самакаце. Сітуацыя была няпростай: прайшоў дождж, і дарога была вельмі мокрай. У выніку нават пры невялікай хуткасці запаволіцца самакатчыку было складана. Але паспеў, спыніўся, калі перад носам пранеслася машына. Кіроўца як ехаў, так і паехаў далей.
«Раварыстаў ці людзей на самакатах збіваюць тыя кіроўцы, якія першапачаткова не думаюць пра тое, што яны павінны гэта кантраляваць. Чалавек, які ведае, куды яму глядзець, не саб'е нікога», — кажа эксперт Юрый Красноў.
У Мінску ўзмацнілі кантроль за веласіпедыстамі і самакатчыкамі
У Мінску дзяўчына на самакаце трапіла пад маршрутку
Пракаціцца на адным самакаце ўдваіх больш не атрымаецца — папулярны ў Беларусі шэрынг запусціў сістэму Антытандэм
На праспекце Пераможцаў у Мінску легкавік збіў дзвюх дзяўчынак-падлеткаў на самакаце
Памёр дзед Колі Лукашэнкі — былы вязень ГУЛАГа, асуджаны за дапамогу «бандэраўцам»10
Каментары