Уладзіслаў Завальнюк. Фота: catholic.by
Папа Францішак надаў пробашчу Чырвонага касцёла Уладзіславу Завальнюку тытул Капелана Яго Святасці. эта адбылося па просьбе мітрапаліта Станеўскага з нагоды 50-годдзя святарства кс. Завальнюка, паведамляе «Хрысціянская візія».
Абвяшчэнне надання тытула Капелана Яго Святасці адбылося на сустрэчы ксяндзоў у Будславе. Дакумент зачытаў арцыбіскуп Кандрусевіч, які ўжо некалькі дзесяцігоддзяў ведае кс. Завальнюка.
З гэтай нагоды іерарх сказаў: «Ты павінен святкаваць гэты юбілей не толькі ў гэтым касцёле ці ў іншых, але ў Чырвоным. На жаль, не можаш гэтага зрабіць. Не пабаюся сказаць — усе атасаямляюць Чырвоны Касцёл з кс. Завальнюком. Спадзяюся, гэта праблема будзе вырашана. Калі не сёння, то ў іншы дзень».
Капелан Яго Святасці (лац.: Cappellanis Sanctitatis Suae) — святар, якому Папа надаў гэты тытул. Капеланы называюцца мансіньёрамі і маюць некаторыя прывілеі ў частцы царкоўнага строю.
Мітрапаліт Станеўскі далучыўся да віншаванняў пробашчу касцёла св. Сымона і Алены і пажартаваў, што «ў Беларусі ёсць каталіцкі, гродзенскі і чырвоны касцёлы».
У канцы верасня споўніцца два гады як касцёл св. Сымона і Алены зачынены ўладамі. Храм адключаны ад камунікацый, парафію прымусілі забраць сваю маёмасць. Ніякіх рамонтных прац у святыні не праводзіцца.
Чытайце таксама:
У цэнтры Мінска прайшоў Крыжовы шлях ФОТАРЭПАРТАЖ
У Мінгарвыканкаме расказалі, калі адновіць дзейнасць Чырвоны касцёл
Звольнілі пробашча кафедральнага касцёла ў Мінску, які служыў там 20 гадоў
