Жыхарка Гомеля паказала нашэсце мошак у сваім доме. Мёртвых насякомых прыйшлося вымятаць увесь дзень
У тыктоку завірусілася відэа з мошкамі ў Гомельскай вобласці: яе дом атакавалі полчышчы насякомых і ў выніку ёй давялося іх вымятаць з дому літаральна цэлы дзень.
На першым відэа жанчына паказвае пакой у сваім доме, дзе ўсе сцены літаральна аблепленыя машкарой.
На наступным відэа яна паказвае наступствы пасля дэзінсекцыі: мёртвыя казуркі высцілаюць падлогу і «храбусцяць». Жанчына змятае іх з дапамогай веніка, па яе словах, гэта заняло ў яе цэлы дзень. Гэта відэа сабрала больш за 2 мільёны праглядаў
Як пісаў Smartpress.by, у Гомельскай вобласці назіраецца «нашэсце» дробнага гнюсу, які, пачынаючы з мая, робіць невыносным жыццё людзей і жывёл. Так, нядаўна журналістаў атакавалі мошкі на пад'ездзе да вёскі Грабава Жыткавіцкага раёна.
Энтамолаг Гомельскага абласнога цэнтра гігіены і эпідэміялогіі Тамара Гусарава распавяла, што спад масавай актыўнасці мошак наступіць у першай дэкадзе чэрвеня.
Паводле яе слоў, папуляцыя машкары павялічылася сёлета з-за вялікай колькасці вады ў рэках, што з'яўляецца «асноўнай умовай» вывядзення крывасмактальных мошак. К гэтым годзе назіралася высокая і працяглая паводка.
Каментары