Мемарыял ахвярам лукашэнкаўскага рэжыму каля беларускага пасольства ў Вільні аднавілі
Валанцёры дапамаглі аднавіць мемарыял памяці ахвяраў рэпрэсій каля амбасады Беларусі ў Вільні, піша «Радыё Свабода», публікуючы адпаведныя фота свайго чытача.
З раніцы 26 траўня стала вядома, што мемарыял апаганены — там перакулілі некаторыя партрэты, разбілі свечкі.
Паводле інфармацыі дзяжурнага Галоўнага камісарыята паліцыі па Віленскім павеце, мемарыял апаганіў чалавек зь «неадэкватнымі паводзінамі». Паліцыянты яго затрымалі і даставілі ў аддзяленне. Праводзіцца расследаванне.
Каментары