Пад Харкавам загінуў былы спецназавец з Ліды, які ваяваў на баку Расіі
Праўладны спявак ужо прысвяціў яму верш.
Пра смерць былога спецназаўца Руслана Нікіціна, які паехаў ва Украіну ваяваць на баку Расіі, паведамілі яго аднакласнікі ў сацыяльных сетках. Загінуў беларус каля двух тыдняў таму пад Харкавам.
Як стала вядома «Нашай Ніве», Руслан нарадзіўся ў Лідзе і скончыў школу № 9. У школьныя часы сябры далі яму мянушку «Камуфляж». Аднакласнікі кажуць, што Руслан быў пазітыўным, крыху нахабным, але таленавітым — граў ролі ў тэатральных пастаноўках, добра спяваў.
Тэрміновую службу праходзіў у разведцы спецназа ў 5-й асобнай брыгадзе спецыяльнага прызначэння.
Знаёмыя Руслана сцвярджаюць, што ён даўно ажаніўся з расіянкай, паехаў жыць на яе радзіму і нават атрымаў расійскі пашпарт.
Яны таксама сцвярджаюць, што ваяваць мужчына пайшоў па ўласнай ініцыятыве. На фота з фронту відаць, што побач з нашыўкай Z ён насіў і нашыўку з чырвона-зялёным сцягам.
Згодна з версіяй знаёмых, Руслан загінуў пад Харкавам 16 мая, калі ратаваў аднавайскоўцаў. Нагадаем: раніцай 10 мая расійскія ваенкары сталі распаўсюджваць інфармацыю аб пачатку наступу расійскіх войск на Харкаў з тэрыторыі Расіі, але праз два тыдні неўзабаве прызналі, што расіяне часткова перайшлі да абароны.
У загінулага засталася маці ў Беларусі і жонка з сынам у Расіі.
Спачуванні ім выказаў вакаліст гурта Skynet Іван Панамароў, які распавёў у інстаграме, што сябраваў з Нікіціным і той нават натхніў яго на напісанне песні «Я жывы». Пасля смерці Нікіціна артыст прысвяціў Руслану верш.
Загінуў беларус, які ваяваў ва Украіне на баку Расіі. Пра яго раней ужо не раз пісалі
Яшчэ адзін беларус склаў галаву за «рускі свет»
«Беларусы, якія дома, чакайце нас». Былы рознарабочы з Лунінеччыны ваюе за Расію — узяў пазыўны «Бульба»
Былыя сілавікі і крымінальнікі. Што за беларусы ваююць ва Украіне на баку Расіі
Байпол назваў імёны магчымых забойцаў Андрэя Зельцара. І заявіў, што сілавіка «Нірвану» застрэліў свой жа6
Каментары