Затрымалі адміністратара чата беларусаў Шры-Ланкі. За чат на 90 чалавек яму пагражаюць крыміналкай
У самім чаце амаль нічога не адбывалася.
Затрыманы — 42-гадовы мінчук Віктар Чайка. Ён захапляецца падарожжамі як па Беларусі, гэтак і па замежжы. У яго сацсетках тысячы фота з падарожжаў па ўсім свеце.
У 2022-м годзе ён нейкі час жыў на Шры-Ланцы. Тады ён стварыў чат «Беларусы Шры-Ланкі», у якім цяпер 93 чалавекі. Апошняе паведамленне ў чаце датуецца красавіком 2024-га, агулам суполка неактыўная. Факт валодання чатам, як і сваё ўласнае імя ў тэлеграме мужчына не хаваў, хоць гэта лёгка зрабіць.
Губазікаўцы сцвярджаюць, што яго затрымалі менавіта за чат і тое, што чат быў нанесены ў спіс беларускіх чатаў свету «dze.chat». Але справа ў тым, што даслаць гэты чат у «dze.chat» можа любы. Таму ў чым ягоная віна, незразумела.
Яшчэ адно абвінавачанне — гэта ўдзел у пратэстах. Мужчына сам выкладаў відэа адтуль ва ўласны ютуб-канал.
«Наша Нiва» — бастыён беларушчыны
ПАДТРЫМАЦЬЦяпер чытаюць
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара3
Каментары