74-гадовага пенсіянера з Хойнікаў асудзілі за палітыку і боепрыпасы
Сцвярджалася, што Кірэйчык «абразіў» аж 135 пасадавых асоб: супрацоўнікаў КДБ, пракуратуры, міліцыі, Следчага камітэта, Мінабароны і судовай сістэмы.
Гомельскі абласны суд у закрытым рэжыме разгледзеў 4 чэрвеня крымінальную справу 74-гадовага Анатоля Кірэйчыка. Яго абвінавацілі па шэрагу артыкулаў: арт. 188 КК («паклёп»), арт. 369 КК («абраза прадстаўніка ўлады»), арт. 391 КК («абраза суддзі альбо народнага засядацеля») і ч. 2 арт. 295 КК («незаконнае захоўванне боепрыпасаў»). Судовы працэс пачаўся 18 мая, ролю суддзі выконваў Яўген Шаршнёў, піша «Вясна».
Па даных следства, Анатоль Кірэйчык з кастрычніка 2020 года па люты 2022 года «сістэматычна размяшчаў каментары пад фотаздымкамі прадстаўнікоў улады, дзе, «не саромеючыся ў выразах, абражаў, публічна прыніжаў і ганьбіў іх гонар і годнасць». Падчас ператрусу ў яго дома знайшлі боепрыпасы. Пенсіянер расказаў следчым, што калекцыянаваў іх.
Раней сцвярджалася, што Кірэйчык «абразіў» аж 135 пасадавых асоб: супрацоўнікаў КДБ, пракуратуры, міліцыі, Следчага камітэта, Мінабароны і судовай сістэмы і напісаў 1500 каментароў.
У выніку суд прызначыў тры з паловай гады калоніі ва ўмовах узмоцненага рэжыму і штраф 100 базавых (4000 рублёў).
Судом таксама вырашана пытанне аб спагнанні з абвінавачанага на карысць пацярпелых маральнай шкоды.
Хто з палітвязняў выйшаў на свабоду 16 верасня ПОЎНЫ СПІС23
Каментары