Лета ў Беларусі чакаецца вельмі цёплым. Але ёсць нюансы.
Чаго чакаць бліжэйшыя тры месяцы расказаў сіноптык Дзмітрый Рабаў.
Аналізуючы прагнастычную інфармацыю сусветных метэацэнтраў і інстытутаў, можна меркаваць, што лета ў Беларусі чакаецца вельмі цёплым. Тэмпературны фон прагназуецца на 1-2°C вышэйшым за кліматычную норму, якая складае +18°C.
Галоўнай асаблівасцю гэтага лета можна лічыць вялікую зменлівасць умоў надвор'я. Магутныя працяглыя хвалі цяпла будуць змяняцца інтэнсіўнымі зацяжнымі пахаладаннямі.
Пераход ад цяпла да холаду і наадварот будзе суправаджацца моцнымі ліўнямі, навальніцам, шкваламі, градам.
Працяглыя дажджы могуць прыводзіць да пераўвільгатнення глебы, дэфіцыту цяпла і дажджавых паводкаў. Хвалі цяпла могуць прынесці сухавеі, засуху і прыродныя пажары.
Колькасць ападкаў чакаецца каля кліматычнай нормы. На працягу лета нас чакае ў сярэднім ад 24 да 32 вільготных дзён.
Каментары