Паводле паведамлення, самалёт знойдзены сёння раніцай у лесе Чыкангава. Усе, хто знаходзіўся на борце, загінулі ў выніку крушэння, гаворыцца ў паведамленні.

Самалёт, у якім ляцеў віцэ-прэзідэнт афрыканскай краіны Малаві, знік з радараў неўзабаве пасля ўзлёту з аэрапорта малавійскай сталіцы Ліногве. Самалёт ляцеў у аэрапорт горада Мзузу на поўначы краіны. 

Саўлас Чыліма. Фота: AP Photo

Саўлас Чыліма. Фота: AP Photo

У горадзе Мзузу віцэ-прэзідэнт павінен быў прысутнічаць на пахаванні былога міністра юстыцыі краіны Ральфа Касамбары, які памёр тры дні таму. Самалёт, на якім ён ляцеў, належаў вайскова-паветраным сілам краіны.

Малавійская прэса адзначае, што ў раёне Мзузу ў панядзелак было дрэннае надвор'е, і што, паводле непацверджаных звестак, мясцовыя жыхары паведамлялі пра падзенне самалёта.

Саўлас Чыліма займаў пасаду віцэ-прэзідэнта Малаві 10 гадоў, з 31 мая 2014 года. Ён быў намеснікам спачатку ў ранейшага прэзідэнта Пітэра Мутарыкі і захаваў сваю пасаду пасля таго, як у чэрвені 2020 года новым прэзідэнтам стаў Лазарус Чаквера.

Чытайце таксама:

Знік з радараў самалёт віцэ-прэзідэнта адной з афрыканскіх краін

У Паўночнай Асеціі разбіўся Су-34

Знойдзены верталёт з прэзідэнтам Ірана на борце. На месцы катастрофы жывых няма

Верталёт прэзідэнта Ірана ўрэзаўся ў гару?

Клас
1
Панылы сорам
0
Ха-ха
0
Ого
1
Сумна
5
Абуральна
1