Расіяне ўдарылі ракетай па жылым сектары Крывога Рога, шмат загінулых і параненых
12 чэрвеня расійская армія ўдарыла ракетай па жылым сектары Крывога Рога. Пра гэта паведаміў кіраўнік Днепрапятроўскай абласной вайсковай адміністрацыі Сяргей Лысак. Колькасць загінулых і параненых расце, піша «Суспільне».
Па стане на 19:13 колькасць загінулых у выніку атакі па Крывым Рогу склала 9 чалавек, параненыя 29, сярод іх 5 дзяцей, паведамілі ў абласной пракуратуры.
Кіраўнік Рады абароны Крывога Рога Аляксандр Вілкул пад вечар 12 чэрвеня паведаміў, што, папярэдне, па Крывым Рогу ўдарылі ракетай «Іскандэр-М» з Крыма. Паводле яго звестак, пашкоджаны 41 шматкватэрны дом, гімназія, два вучылішчы.
Выбухі ў горадзе былі чутныя ў 15:48. На той момант у Крывым Рогу і вобласці працягвалася паветраная трывога.
Каментары