Жыхароў Польшчы заклікаюць паведамляць аб падазроных людзях ля «буфернай зоны»
Жыхароў Польшчы заклікаюць паведамляць аб падазроных асобах ля «буфернай зоны». Адпаведныя абвесткі накіроўваюцца адрасатам, якія знаходзяцца ў непасрэднай блізкасці ад дадзенай тэрыторыі ў некаторых частках Падляшскага і Люблінскага ваяводстваў, піша reform.news
«Увага: знаходжанне ў буфернай зоне, прылеглай да мяжы з Беларуссю, забаронена. Выконвайце ўказанні службаў. Будзьце пільныя і паведамляйце аб падазроных асобах», — прыводзіць тэкст паведамлення Цэнтр дзяржаўнай бяспекі.
Адзначаецца, што папярэджанне тычыцца толькі забароненай зоны, а не цэлых раёнаў.
У Польшчы з 13 чэрвеня пачала дзейнічаць забароненая зона на мяжы з Беларуссю. Яно прадугледжвае забарону на знаходжанне паблізу мяжы з Беларуссю. Зона ахоплівае ўчастак мяжы працягласцю 60,67 км у Белавежскай пушчы. Пры гэтым на 44 км яна распасціраецца на глыбіню 200 метраў, а на ўчастку 16 км — да 2 км.у зону патрапілі ўчасткі мяжы, за якія адказваюць заставы ў Нараўцы, Белавежы, Дубічах-Царкоўныз, Чаромшы, дзе адзначаецца больш за ўсё спробаў парушэння мяжы мігрантамі, у тым ліку звязаных з агрэсіўнымі дзеяннямі з боку замежнікаў.
Мяркуецца, што яна будзе дзейнічаць цягам 90 дзён.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі7
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары