Прэм'ер-міністр Нідэрландаў, найверагодней, стане новым кіраўніком НАТА
Генеральны сакратар НАТА Енс Столтэнберг заявіў, што прэм'ер-міністр Нідэрландаў Марк Рутэ цяпер стаў найбольш верагодным кандыдатам на пасаду новага кіраўніка Альянсу, піша Руская служба Бі-бі-сі.
Паколькі НАТА прымае такія рашэнні на аснове кансэнсусу, то кандыдату патрэбна падтрымка ўсіх 32 саюзнікаў.
Нядаўна Рутэ атрымаў падтрымку традыцыйных «моцных арэшкаў» Венгрыі і Славакіі, а таму яму застаецца ўгаварыць толькі Румынію, прэзідэнт якой Клаўс Ёханіс таксама змагаецца за гэтую пасаду і па-ранейшаму выступае супраць кандыдатуры Рутэ.
Падтрымка Венгрыі стала магчымай пасля таго, як Рутэ паабяцаў венгерскаму прэм'ер-міністру Орбану, што калі ягоная краіна не будзе блакаваць рашэнні НАТА па аказанні падтрымкі Украіне, то саму яе ў гэтым удзельнічаць прымушаць ніхто не будзе.
«Прэм'ер-міністр Марк Рутэ пацвердзіў, што ён цалкам падтрымлівае гэтую дамоўленасць і падтрымае яе, калі стане наступным генеральным сакратаром НАТА», — напісаў Орбан у сацыяльнай сетцы X.
Нідэрландскае інфармагенцтва NOS абапіраючыся на інфармаваныя крыніцы, сцвярджае, што Марк Рутэ зменіць Столтэнберга ў кастрычніку.
Марк Рутэ — паслядоўны прыхільнік падтрымкі Украіны і актыўнага супрацьдзеяння пуцінскай Расіі. Пад кіраўніцтвам Рутэ Нідэрланды абвясцілі аб выдзяленні Украіне дапамогі ў памеры 5,6 млрд еўра, у тым ліку на пастаўкі ўзбраенняў — 4,3 млрд еўра. Па гэтых паказчыках краіна займае, паводле даных Кільскага інстытута сусветнай эканомікі, 7-е і 5-е месцы. Пры гэтым у некаторых пытаннях Нідэрланды былі лідарам, у прыватнасці, яны першымі пагадзіліся перадаць Кіеву знішчальнікі F-16.
Праз амаль год пасля расійскага ўварвання ва Украіну Рутэ папярэджваў падчас выступу ў Атлантычнай радзе:
«Нават калі мы на адно імгненне ўявім сабе, што Пуцін можа атрымаць поспех ва Украіне… Там гэта ўсё не скончыцца, ён будзе працягваць. Гэты ўрок нам дала гісторыя».
Лукашэнка прыгразіў Расіі вайной у выпадку далучэння Беларусі43
Лукашэнка прыгразіў Расіі вайной у выпадку далучэння Беларусі
«Дамоклаў Меч». Канал «Белорусскій сіловік» настолькі прарасійскі, што многія меркавалі: гэта расіяне яго вядуць. Не, за ім стаіць суперагент Лукашэнкі4040
Каментары