Стрыжак у дзень народзінаў арганізаваў дабрачынны аўкцыён. Адзін з лотаў вельмі незвычайны
З нагоды свайго дня народзінаў кіраўнік фонду «Байсол» Андрэй Стрыжак вырашыў зладзіць дабрачынны аўкцыён. На яго ён выставіў два лоты з першапачатковай цаной у 39 еўра (столькі год споўнілася актывісту). Грошы пойдуць на школьны збор для дзяцей палітвязняў.
Адным з лотаў стала бутэлька ігрыстага «Крым» з Бахмута.
«Гэтай бутэльцы не менш за 20 гадоў, і нехта з вас нарадзіўся разам з гэтым віном», — напісаў Стрыжак у фэйсбуку.
Некаторыя жартавалі: ці можна гэта ігрыстае наогул піць?
Лот у выніку прадалі за 400 еўра.
Другім лотам стала бутэлька чырвонага іспанскага віна Jean Leon. Віну 39 гадоў. Яго актывіст выпадкова знайшоў у каталонскай вясковай віннай краме.
«З такім старым сухім віном ніколі не ведаеш, ці ў бутэльцы віно, ці воцат. Тым цікавей гэты лот», — адзначыў Стрыжак.
Гэту бутэльку выкупілі за 270 еўра.
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
-
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»
Каментары