Улады выставілі на аўкцыён зямельны ўчастак Бабарыкі на беразе вадасховішча Вяча
Зямельны ўчастак з лазняй у вёсцы Мачаны, што належыць належыць Віктару Бабарыку, выстаўлены на продаж на сайце электронных таргоў «Белюразабеспячэнне». На гэта звярнула ўвагу «Люстэрка».
Улады выставілі на аўкцыён чарговую маёмасць удзельніка прэзідэнцкіх выбараў 2020 года Віктара Бабарыкі — участак плошчай 0,75 га ў вёсцы Мачаны Лагойскага раёна. Зямля знаходзіцца ў водаахоўнай зоне вадасховішча Вяча.
Пачатковая цана — 152 695 рублёў капеек. Пры наяўнасці ўдзельнікаў таргоў, аўкцыён адбудзецца 31 ліпеня.
Экс-кіраўнік Белгазпрамбанка, які заявіў пра ўдзел у прэзідэнцкіх выбарах, Віктар Бабарыка і ягоны сын Эдуард, які быў кіраўніком выбарчага штаба, былі затрыманыя 18 чэрвеня 2020 года, калі везлі ў ЦВК сабраныя подпісы (тады было ўжо сабрана 368 тысяч подпісаў).
У выніку ЦВК не зарэгістраваў Бабарыку кандыдатам у прэзідэнты, а праз год, 6 ліпеня 2021 года, яго асудзілі (суддзя Ігар Любавіцкі) да 14 гадоў калоніі ўзмоцненага рэжыму нібыта за атрыманне хабару ў асабліва буйным памеры і легалізацыю («адмыванне») сродкаў, атрыманых злачынным шляхам у асабліва буйным памеры.
Эдуарда Бабарыку 5 ліпеня 2023 года асудзілі (суддзя Уладзімір Арэшка) на 8 гадоў калоніі ва ўмовах узмоцненага рэжыму.
Праваабаронцы прызналі іх палітвязнямі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары