Тлумачыцца гэта спыненнем адносін паміж Ерэванам і Мінскам.
У сувязі з заявай прэм'ер-міністра Арменіі аб спыненні афіцыйных адносін паміж Рэспублікай Арменія і Рэспублікай Беларусь, афіцыйная дэлегацыя Арменіі прыняла рашэнне не ехаць у Беларусь і не ўдзельнічаць у штогадовым міжнародным конкурсе «Славянскі базар 2024», які пройдзе ў Віцебску з 8 па 18 ліпеня.
«Усе народы свету аб'яднаныя адной мовай — культурай, таму немагчыма не ацаніць тое, што стваралася гадамі, а менавіта армяна-беларускія культурныя сувязі. Мы шчыра спадзяемся, што ўзніклы палітычны хаос будзе вырашаны ў найбліжэйшай будучыні на аснове любові і салідарнасці і сяброўскія адносіны паміж двума народамі неўзабаве адновяцца», — гаворыцца ў заяве.
Прадстаўнікамі Арменіі на конкурсе «Славянскі базар» сёлета павінны былі быць пераможца шматлікіх конкурсаў спявачка Сюзанна Мелканян і 9-гадовая Яна Сцепанян. Кіраўнік армянскай дэлегацыі штогадовага Міжнароднага конкурсу» Славянскі базар», дырэктар Ерэванскага дзяржаўнага каледжа культуры і мастацтва імя Шарля Азнавура Урэж Кіракасян.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары