Кіраўніца Аб’яднанага пераходнага кабінета Святлана Ціханоўская сустрэлася ў Бруселі з Вярхоўным прадстаўніком па замежнай палітыцы Жазэпам Барэлем. Сустрэча адбывалася ў межах працы Кансультатыўнай групы ЕС — Беларусь.
Паводле паведамлення прэс-службы Святланы Ціханоўскай, падчас сустрэчы яна заклікала працягваць выдачу шэнгенскіх візаў, дапамагчы з вырашэннем праблем легалізацыі беларусаў у іншых краінах, трымаць межы адкрытымі для грамадзян Беларусі, пры гэтым не змяншаючы, а павялічваючы ціск на рэжым і яго памагатых.
Бакі абмеркавалі таксама працяг і павелічэнне падтрымкі для грамадзянскай супольнасці, прыцягненне рэжыму да адказнасці, развіццё працы Кансультатыўнай групы, супрацу ў напрамку супрацьдзеяння прапагандзе, а таксама прамоцыі еўрапейскага выбару сярод беларусаў.
На сустрэчы разам з Ціханоўскай былі таксама яе намеснікі Павел Латушка і Валер Кавалеўскі. Для апошняга, як падаецца, гэта сустрэча стала апошняй у афіцыйным статусе. Сёння ён заявіў пра сваю адстаўку.
Кіраўнік дыпламатыі ЕС таксама пракаментаваў сустрэчу з Ціханоўскай на сваёй старонцы ў сацсетцы X.
«Прыемна зноў сустрэцца са Святланай Ціханоўскай. Я выказаў сваю ўдзячнасць за працу дэмакратычных сілаў пад ейным кіраўніцтвам і пацвердзіў салідарнасць і падтрыманне ЕC усіх, хто змагаецца за свабодную і дэмакратычную Беларусь», — зазначыў Жазэп Барэль.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ16
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары