Брэсцкі аблвыканкам патраціў 8500 рублёў на сувенірных зуброў. Іх калекцыянуе старшыня
Брэсцкі аблвыканкам у чэрвені 2024 года аб'явіў два тэндары на закупку сувенірных зуброў. Дзяржорган хацеў купіць пяць керамічных зуброў за 4000 рублёў і шэсць драўляных за 4500. Грошы на закупкі выдзялялі з абласнога бюджэту, піша BGMedia.
У тэхнічным заданні чыноўнікі распісалі характарыстыкі статуэтак.
Керамічныя зубры павінны быць вырабленыя па тэхналогіі ручной лепкі, акрамя таго, патрабаваліся абпал у электрычнай печцы і алейны абпал. Арыенціровачныя памеры зубра — 37х17 см. Статуэткі выкананыя па індывідуальнай замове і па ўзгадненні з Брэсцкім аблвыканкамам. Згодна з тэндарам, адзін такі зубр абышоўся ў 798,91 рубля.
Драўляны зубр каштаваў 755,14 рубля. Па тэхнічным заданні, статуэтка павінна быць на падстаўцы, зроблена з ліпы разьбяным спосабам і ручной працай у карычневым і цёмна-карычневым колерах. Пры гэтым драўляны зубр вышэйшы за зубра з керамікі: вышыня з падстаўкай 40 см, даўжыня падстаўкі — 35 см, даўжыня зубра — 40. Цікава, што вельмі падобнага драўлянага зубра ручной работы ў інтэрнэце можна знайсці за 400 рублёў.
Навошта аблвыканкаму спатрэбілася адразу 11 сувенірных зуброў, невядома. Але ёсць цікавы факт: такіх зуброў калекцыянуе старшыня аблвыканкама Юрый Шулейка, пра што ён расказваў у інтэрв'ю афіцыйным СМІ. У яго працоўным кабінеце стаіць калекцыя з больш чым 20 статуэтак.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары