Генеральны сакратар НАТА Енс Столтэнберг мяркуе, што расійскія войскі не здольныя на «значныя прарывы» на полі бою ва Украіне, у той час як Кіеў ударамі ўглыб тэрыторыі Расіі наносіць ёй значныя страты. Пра гэта ён сказаў у інтэрв'ю агенцтву AFP.
Столтэнберг адзначыў, што Расія пачала чарговы наступ ва Украіне цягам вясны-лета, «але пакуль толькі з нязначнымі поспехамі».
«І ў нас няма ніякіх іншых прыкмет або прычын лічыць, што Расія мае магчымасці, сілы для значных прарываў», — дадаў ён.
Генеральны сакратар альянсу, аднак, перасцярог, што Расія, хутчэй за ўсё, «працягне прасоўвацца па лініі фронту» і наносіць авіяўдары па Украіне.
«Але мы бачым, што ўкраінцы змаглі ўтрымаць лінію фронту. Яны змаглі і далей наносіць цяжкія страты расійскім акупантам — як уздоўж лініі фронту, так і ўдарамі ўглыб расійскай тэрыторыі», — адзначыў Столтэнберг.
У маі, як вядома, Расія пачала новы наступ на поўначы Харкаўскай вобласці, а таксама ўзмацніла ціск на ўсходзе Украіны, карыстаючыся затрымкамі ў пастаўках УСУ заходняй зброі.
На Захадзе адзначалі, што расійскія войскі маюць пэўныя поспехі ў Данецкай вобласці, у прыватнасці ў раёне важнага горада Часаў Яр, але дазвол ЗША і іншых заходніх краін наносіць удары па расійскай тэрыторыі затармазіла прасоўванне на Харкаўшчыне.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары
Россия будет и дальше захватывать украинские территории, превращая города и села в выжженную землю.
Нас это устраивает поскольку Россия тоже страдает от войны.
Украина не победит, но и Россия тоже не достигнет больших успехов. Мясорубка будет продолжаться еще долго.